Samfélagsmiðlar

Verkfallið kostaði SAS 8,5 milljarða

Vonin um að skandinavíska félagið yrði rekið með hagnaði í ár hefur veikst.

Rickard Gustafsson, forstjóri SAS.

Vikulöngu verkfalli flugmanna SAS lauk þann þriðja maí en þá höfðu stjórnendur þess orðið að fella niður um fjögur þúsund flugferðir. Ferðaplön hátt í fjögur hundruð þúsund farþega riðluðust vegna ástandsins og í nýbirtu uppjöri SAS kemur fram að verkfallið sjálft kostaði félagið um 8,5 milljarða króna. Þar með stefnir í að SAS verði ekki rekið með hagnaði í ár öfugt við það sem áður hafði verið reiknað með.

Þessi umskipti skrifast þó ekki aðeins á vinnudeiluna heldur líka þá staðreynd að olíuverð hefur farið hækkandi og sænska krónan, uppgjörsmynt SAS, hefur verið veik. Rickard Gustafsson, forstjóri SAS, segir í viðtali við Dagens Industri að jákvæðu fréttirnir séu hins vegar þær að stundvísi félagsins sé áfram góð, tekjur á hvert flugsæti hafi aukist og að markaðshlutdeildin hafi aukist.

Síðasti punkturinn gæti skrifast að hluta til á samdrátt hjá Norwegian, helsta keppinautnum. Sparnaðaraðgerðir þess félags hafa leitt til þess að félagið hefur fækkað flugferðum og nú fljúga til að mynda þotur þess ekki lengur til Íslands frá Stokkhólmi. SAS ætlar hins vegar að hefja Íslandsflug frá sænsku höfuðborginni í sumar en þó aðeins tímabundið.

 

 

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …