Íslensku ferðaskrifstofurnar færðar í annað félag

Í kjölfar gjaldþrots Primera Air sl. haust þá flutti Andri Már Ingólfsson, eigandi flugfélagsins, allar sjö ferðaskrifstofurnar sem hann átti úr íslensku móðurfélagi, Primera Travel Group, yfir í danskt dótturfélag. Það var endurnefnt Travelco Nordic en í síðustu viku tók Arion banki það yfir. Ársreikningur þessa danska eignarhalds félags liggur nú fyrir og þar kemur fram að það tapaði nærri þremur milljörðum króna í fyrra. Í frétt danska ferðaritsins Standby, um afkomu Travelco Nordic, kemur fram að íslensku ferðaskrifstofurnar Heimsferðir og Terra Nova hafi verið seldar út úr félaginu fyrir 58 milljónir danskra króna. Það jafngildir um 1,1 milljarði króna.

Ekkert var minnst á þessa sölu íslensku ferðaskrifstofanna út úr móðurfélaginu í tilkynningu sem Arion banki sendi frá sér í kjölfar yfirtökunnar í síðustu viku. Haraldur Guðni Eiðsson, upplýsingafulltrúi bankans, staðfestir hins vegar að íslensku fyrirtækin tvö hafi aðskilin frá hinum fimm ferðaskrifstofunum sem áður tilheyrðu Primera Travel Group ehf. og nú síðast Travelco Nordic í Danmörku. Hann segir um að ræða ákveðna skipulagsbreytingu og Arion banki sé ennþá endanlegur eigandi allra ferðaskrifstofanna sjö.

Líkt og Túristi greindi frá í morgun þá telur óháður endurskoðandi Travelco Nordic að fyrirtækið þurfi á auknu fé að halda til að komast í gegnum árið í ár. Aðspurður um þá stöðu þá segir Haraldur Guðni að Arion banki muni styðja við félagið. En áður hefur komið fram að bankinn hyggst reyna að selja ferðaskrifstofurnar sem fyrst. Rekstur íslensku ferðaskrifstofanna mun ganga vel á meðan róðurinn er þyngri á hinum Norðurlöndunum. Síðustu misseri hafa verið almennum ferðaskrifstofum á hinum Norðurlöndunum nokkuð erfið meðal annars vegna hitabylgju í Skandinavíu sl. sumar. Margir héldu sig því heima og salan í ár hefur einnig verið lakari en ella.

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.