Samfélagsmiðlar

Ætla að selja sólarlandaferðir frá Íslandi

Samhliða auknu Spánarflugi þá ætlar norska lággjaldaflugfélagið Norwegian jafnframt að bjóða upp á flug og hótel í einum pakka.

Norwegian er það flugfélag sem flytur flesta farþega milli Íslands og Spánar en félagið býður í dag upp á reglulegar ferðir héðan til Barcelona, Madríd og Alicante. Í byrjun vetrar bætast svo áætlunarferðir til Kanarí og Tenerife og þar með aukast umsvifin umtalsvert. Á sama tíma liggur ekki fyrir hvernig Icelandair ætlar að snúa sér í boðaðri sókn sinni inn á sólarlandamarkaðinn og því útlit fyrir að forskot norska flugfélagsins í farþegaflutningum héðan til Spánar aukist töluvert í vetur.

Það er ekki bara frá Íslandi sem Norwegian er stórtækt í Spánarflugi því íbúar hinna Norðurlandanna geta líka keypt sér far með félaginu til ófárra spænskra áfangastaða. Og reyndar geta Svíar, Norðmenn og Danir líka keypt flug og hótel í einum pakka í gegnum ferðaskrifstofu flugfélagsins, Norwegian Holidays. Aðspurð um hvort þess háttar verði líka í boði fyrir íslenska farþega þá segir Astrid Mannion-Gibson, talskona Norwegian, að þess háttar sé í bígerð þegar ferðunum fjölgar í haust og vetur. „Þá munum við að sjálfsögðu selja pakkaferðir frá Íslandi.“

Bæði Heimsferðir og Úrval-Útsýn ætla að fljúga hluta af viðskiptavinum sínum til Kanarí og Tenerife í vetur með Norwegian en ferðaskrifstofurnar fá þá samkeppni frá flugfélaginu sjálfu þegar kemur að sölu á sólarlandaferðum með flugi og gistingu. Þess háttar samkeppni ríkir vissulega líka á hinum Norðurlöndunum þar sem Norwegian flýgur farþegum norrænna ferðaskrifstofa í sólina. Til að mynda viðskiptavinum Travelco Nordic sem rekur fimm ferðaskrifstofur á Norðurlöndunum og er nú í eigu Arion banka en tilheyrðu áður ferðaskrifstofuveldi Andra Más Ingólfssonar.

Hér líkt og í nágrannalöndunum verða fyrirtæki sem selja pakkaferðir að vera með sérstakar opinbera skyldutryggingu. Af heimasíðu Norwegian Holidays að dæma þá gerir fyrirtækið út frá Svíþjóð og borgar tryggingar til Kammarkollegiet þar í landi. Sú stofnun heldur utan um skyldutryggingar ferðasala í Svíþjóð líkt og Ferðamálastofa gerir hér heima. Hvort Norwegian Holidays geti nýtt sama fyrirkomulag þegar kemur að sölu pakkaferða hér á landi gæti verið atriði sem samkeppnisaðilarnir munu láta á reyna.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …