Áfram samdráttur í innanlandsfluginu

Ef Keflavíkurflugvöllur er frátalinn þá fóru rétt um 341 þúsund farþegar um flugvelli landsins á fyrri helmingi ársins. Fækkunin frá sama tíma í fyrra nemur um 46 þúsund farþegum eða um 12 prósentum. Samdrátturinn í nýliðnum júní var hlutfallslega sá sami eða sem jafngildir 8.824 farþegum samkvæmt tölum Isavia.

Á Akureyrarflugvelli var fækkunin hlutfallslega minni en á hinum stöðunum og skrifast að hluta til á þá staðreynd að nú er í fyrsta sinn í boði áætlunarflug milli Akureyrar og Rotterdam í Hollandi. Þeir sem nýttu sér þetta millilandaflug hafa þá híft upp farþegatöluna en gera má ráð fyrir að rétt um eitt þúsund farþegar, af þeim 16 þúsund sem flugu til og frá Akureyri í júní, hafi verið setið í Boeing 737 þotunum sem fljúga til Hollands á þriðjudögum.

Bretlandsflugið frá Akureyri yfir vetrarmánuðina skýrir svo að einhverju leyti afhverju samdrátturinn fyrir norðan á fyrri helmingi ársins er mun en á hinum flugvöllunum, eða rétt um 6 prósent. Flutningur á Færeyjaflugi Atlantic Airways frá Reykjavík til Keflavíkurflugvallar í byrjun síðasta vetrar hefur á sama hátt neikvæð áhrif á þróunina á flugvellinum í Vatnsmýrinni.

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.