Samfélagsmiðlar

Biðin eftir MAX þotunum geti dregist fram til áramóta

Stjórnendur Icelandair gætu þurft að hefja veturinn án þess að vera með Boeing MAX þotur í rekstri.

Icelandair gerði í sumarbyrjun breytingar á flugáætlun sinni fram í miðjan september vegna kyrrsetningar á Boeing MAX-þotum sem sett var á um miðjan mars eftir tvö mannskæð flugslys. Vonir hafa verið bundnar við að flugvélar af þessari gerð fái fljótt að taka á loft á ný en eftir að mögulegur nýr galli uppgötvaðist í stýrikerfi flugvélanna í síðustu viku þá hefur útlitið versnað til muna. Nú er fyrst gert ráð fyrir að sérfræðingar Boeing ljúki við breytingar á hugbúnaði vélanna í september. Fyrst þá munu flugmálayfirvöld í hverju landi fyrir sig geta hafið sitt vottunarferli og þar með gæti það dregist fram til áramóta að aflétta kyrrsetningu þotanna samkvæmt frétt CNN.

Stjórnendur flugfélaga eru því farnir að gera ráðstafanir og fyrir helgi tilkynnti Southwest flugfélagið að áætlun félagsins yrði breytt fram í október til að koma í veg fyrir óþægindi hjá farþegum ef aflýsa þyrfti mörgum flugferðum vegna skorts á farþegaþotum. Hjá Turkish Airlines var skrefið ennþá stærra því þar á bæ er ekki reiknað með neinum Boeing MAX þotum í vetraráætlun félagsins.

Hvort fleiri flugfélög bregðist við með svipuðum hætti kemur væntanlega í ljós á næstu dögum. Núverandi sumaráætlun Icelandair gerði ráð fyrir að félagið hefði níu MAX þotur til ráðstöfunnar og leigði félagið fjórar þotur til að brúa bilið. Leigutími þeirra flestra rennur út í september en þá fækkar líka flugferðum Icelandair sem vegur upp á móti flugvélaskorti. Hins vegar getur félagið þó ósennilega fyllt sum þeirra skarða sem WOW air skildi eftir sig á markaðnum, t.d. í áætlunarferðum til sólarlanda en norska flugfélagið Norwegian ætlar sér stóra hluti þar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …