Samfélagsmiðlar

Bjóða 24 milljónir króna fyrir Íslandsflug

Flugþróunarsjóður á Kanaríeyjum býður þeim sem hefja flug milli Íslands og Fuerteventura vænan styrk.

kanari strond

Sandströndin við Playa de Jandia á Fuerteventura.

Fjöldi íslenskra ferðamanna á Tenerife og Kanarí hefur aukist hratt síðustu ár og í vetur verða flugferðirnar þangað tíðari en áður. Ferðamálayfirvöld á Kanaríeyjum virðast þó telja að eyjarnar eigi þónokkuð inni og bjóða nú hátt í 175 þúsund evrur, eða tæpar 24 milljónir króna, í styrk til flugfélags eða ferðaskrifstofu sem hefur beint flug milli Íslands og Fuerteventura. Hún er sú næst stærsta af eyjunum sem teljast til Kanaríeyja en Tenerife er þeirra stærst.

Í tilkynningu segir að styrkveiting fyrir Íslandsflug frá Fuerteventura sé ekki bundin við áætlunarflug allt árið um kring. Tímabundið leiguflug kæmi þá líka til greina þó gera megi ráð fyrir að upphæðin skerðist þá eitthvað. Auk styrkveitingar fyrir Íslandsflug til og frá Fuerteventura þá býðst sambærilegt framlag fyrir flug til eyjunnar frá Vínarborg, Búkarest, Kraká og Moskvu.

Ríkisstjórn Íslands setti í október 2015 á fót flugþróunarsjóð til að efla nýjar alþjóðlegar flugleiðir til og frá Akureyrarflugvelli og Egilstaðaflugvelli. Úr þessum sjóði hafa nokkrar ferðaskrifstofur og flugfélög fengið styrki til þessa en ný fjármálaætlun mun ekki gera ráð fyrir áframhaldandi fjárveitingum í sjóðinn. Spánverjar sem einnig eiga mikið undir ferðaþjónustu komið virðast þó ekki slá af styrki til að efla flugsamgöngur til landsins þrátt fyrir stríðan straum ferðamanna síðustu ár.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …