Samfélagsmiðlar

Framlagið frá farþegum WOW hefði numið um tíund af tekjum Landverndar

Sú staðreynd að myntsöfnun í þotum WOW air skilaði sér ekki til Landverndar setti samtökin í mikinn fjárhagslega vanda.

Frá afhendingu framlags farþega WOW og flugfélagsins sjálfs til Landverndar í apríl 2018. Þá fengu samtökin hátt í 18 milljónir og miðað við fjölgun farþega í fyrra mátti búast við ennþá hærri upphæð fyrir síðasta tímabil.

WOW air stóð fyrir myntsöfnun um borð í þotum sínum meðal farþega og átti afraksturinn að renna til Landverndar. Fyrra árið sem átakið stóð yfir söfnuðust um 9 milljónir meðal farþega og flugfélagið sjálft lagði fram jafn háa upphæð. Landvernd fékk því nærri 18 milljónir afhentar frá WOW air og farþegum þess í apríl í fyrra. Umhverfissamtökin fengu þó ekki það fé sem safnaðist meðal farþega WOW air síðustu tólf mánuði líkt og Vísir greindi frá í gær. Þar er haft eftir Tryggva Felixssyni, formanni Landverndar, að samtökin hafi átt von á nokkrum milljónum frá WOW nú í vor.

Upphæðin var hins vegar nokkru hærri eða að lágmarki tíu milljónir króna samkvæmt svari frá Auði Önnu Magnúsdóttur, framkvæmdastjóra Landverndar, við fyrirspurn sem Túristi sendi samtökunum í fyrradag. Er þá aðeins litið til framlags farþega WOW en sem fyrr segir nam mótframlag WOW air í fyrra jafn hárri upphæð. Landvernd hefði því getað fengið um tuttugu milljónir frá WOW og farþegum þess nú í vor.

„Þetta setti okkur í mikinn fjárhagslegan vanda enda til samningur sem við gerðum ráð fyrir að stæði og við þurftum að skera niður strax og flugfélagið fór í þrot 2019,“ segir Auður. Hún bendir á að tíu milljón króna framlag frá farþegum WOW hefði numið um tíund af heildartekjum Landverndar í fyrra. Samtökin skiluðu 2,5 milljón króna tapi á síðasta ári og rekstrarniðurstaðan hefði því verið allt önnur ef myntin frá farþegum WOW hefði skilað sér.

Landvernd hefur gert kröfu í þrotabú flugfélagsins en allt það fé sem safnaðist meðal farþeganna var lagt inn á sérreikning í vörslu WOW air að sögn Auðar. Inn á honum voru þegar um átta milljónir undir lok síðasta árs en erfitt reyndist fyrir starfsfólk Landverndar að fá upplýsingar um söfnuna í ár þrátt fyrir ítrekaðar tilraunir.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …