Samfélagsmiðlar

Það var góður stígandi hjá WOW í Lyon

Næst fjölmennasta borg Frakklands var hluti af sumaráætlun WOW air frá upphafi. Félagið flutti þrefalt fleiri farþega þaðan í fyrra en sumarið 2015.

Sé yfir gamla bæinn í Lyon.

Frakklandsflug Icelandair hefur ávallt einskorðast við París á meðan þotur WOW air héldu bæði til höfuðborgarinnar og Lyon. Flugið til þessarar næst fjölmennustu borgar Frakklands var þó aðeins boði yfir sumarmánuðina þrjá en stundum fram á haustið. Í fyrra hélt WOW air flugleiðinni úti frá sumarbyrjun og fram í október og þá nýttu 18.858 farþegar sér Íslandsflugið samkvæmt upplýsingum frá flugvelli borgarinnar. Til samanburðar voru farþegarnir rúmlega sex þúsund sumrin 2014 og 2015 eins og sjá má á töflunni hér fyrir neðan.

WOW air nýtti 178 sæta Airbus A320 þotur í flugið til Lyon og að jafnaði var sætanýtingin 82 prósent í fyrra sem var hærra hlutfall en sumrin á undan. Frakkar voru í meirihluta í þessum ferðum og sú staðreynd að ekkert annað flugfélag tók við kefli WOW í Lyon kann að skýra að hluta til þá staðreynd að nærri fjórtán hundruð færri franskir ferðamenn voru hér á landi í júní.

Vissulega munar líka um samdrátt í Parísarflugi því samkvæmt talningu Túrista þá fækkaði áætlunarferðunum þaðan um þrjátíu og sjö í júní eða um rúmlega fjórðung. Frá Lyon fór WOW ellefu ferðir í júní í fyrra og gera má ráð fyrir að 650 til 800 franskir ferðamenn hafi þá verið um borð þegar horft er til sætanýtingar og hlutfalls tengifarþega hjá WOW. Allt síðasta sumar hafa þá komið hingað að lágmarki þrjú þúsund franskir ferðamenn í beinu flugi frá Lyon.

Til viðbótar við flugið til Parísar og Lyon þá spreytti WOW air sig á ferðum til Nice á suðurströnd Frakklands sumarið 2016. Félagið tók hins vegar ekki upp þráðinn vorið eftir. Sem fyrr segir hefur Icelandair haldið sig við flug til Parísar en félagið flýgur aftur á móti til Genfar á sumrin en sú borg er á landamærum Frakklands og Sviss og um 150 kílómetrum frá Lyon.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …