Samfélagsmiðlar

Vaxandi áhugi á að ferðast innanlands

Íslendingar hafa fjölmennt til útlanda síðustu ár en í ár hefur dregið aðeins úr utanlandsferðunum. Íslensk ferðaþjónustufyrirtæki finna fyrir því að heimamenn eru núna meira á ferðinni.

Frá Akureyri.

„Óhætt er að segja að undanfarin ár hafi orðið sprenging í uppbyggingu á alls kyns þjónustu við ferðamenn um land allt. Íslendingar vita að hringinn í kringum landið er hægt að njóta einstakrar náttúrufegurðar en það sem kannski færri vita er að nú er hægt að njóta fjölbreyttrar afþreyingar og nýrrar upplifunar um land allt,“ segir Skapti Örn Ólafsson, upplýsingafulltrúi Samtaka ferðaþjónustunnar, aðspurður um hvort fleiri heimamenn séu á ferðinni innanlands en áður. Það sem af er ári hefur dregið aðeins úr ferðum Íslendinga út í heim en ferðagleðin er þó ennþá mikil þegar litið er lengra aftur í tímann.

„Við finnum fyrir vaxandi áhuga Íslendinga að ferðast um landið okkar. Samkvæmt gistináttatölum frá Hagstofu Íslands þá voru gistinætur Íslendinga árið 2018 um 13 prósent allra gistinátta. Þegar gistinætur á tjaldstæðum og í skálum er skoðað er hlutfallið hins vegar nokkuð hærra eða um 30 prósent. Hingað til hafa Íslendingar ferðast mun minna um eigið land heldur en nágrannaþjóðir okkar á Norðurlöndunum, en þar eru samsvarandi tölur um og yfir 60 prósent af öllum gistinóttum,“ segir Skapti Örn.

„Núna í sumar greinum við hjá félagsmönnum í SAF að landsmenn eru meira á faraldafæti en fyrri sumur. Veðurblíða hefur þar örugglega eitthvað segja en einnig aukið framboð á gistingu og afþreyingu, enda stöndumst við samanburð við það sem best þekkist. Það eru því sterk teikn á lofti um að við séum að sækja í okkur veðrið að frerðast innanlands,“ segir Skapti Örn sem bendir á að SAF ætla í allt sumar að gefa vinninga á Facebooksíðu samtakanna í ýmsa ferðaþjónustutengda afþreyingu í samstarfi við félagsmenn sína. „Við hvetjum landsmenn til að fylgjast með og taka þátt.“

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …