Samfélagsmiðlar

Vilja láta reyna á hvort þrotabú WOW geti afhent seldar eignir

Uppsett verð fyrir eignir úr þrotabúi WOW air hefur ekki verið greitt öfugt við það sem skiptastjóri þess hélt fram. Lögmaður umbjóðandans segist ekki eiga von á öðru en málið leysist.

wow radir

Um borð í einni af þeim þotum sem WOW air hafði til umráða.

Tveir hópar vinna nú að því að stofnun nýs íslensks lággjaldaflugfélags. Sá fyrri samanstendur af tveimur af fyrrum stjórnendum WOW air og írskum fjárfestum og sá seinni tengist bandaríska fyrirtækinu US Aerospace Associates sem Michele Balarin fer fyrir. Síðarnefndi hópurinn hefur samkvæmt fréttum keypt vörumerki WOW air, bókunarkerfi félagsins og flugrekstrarbækur. Það hefur þó ekki fengist staðfest nákvæmtlega hvaða eignir er um að ræða. Sveinn Andri Sveinsson, skiptastjóri þrotabúsins, staðfesti hins vegar fyrir hálfum mánuði síðan að „verðmætustu“ eignir WOW air væru seldar og fullyrti svo við Fréttablaðið í síðustu viku að kaupverðið hefði verið greitt.

Það mun þó ekki vera rétt líkt og Morgunblaðið greindi frá í fyrradag. Aðspurður um raunverulega stöðu málsins þá segir Páll Ágúst Ólafsson, lögmaður kaupenda, að gerðir hafa verið þrír kaupsamningar milli US Aerospace Associates og þrotabúsins. Í einum þeirra er velt upp hvort seljandi geti í raun afhent ákveðna þætti hins keypta. „US Aerospace vill að það verði sannreynt hvort þeir þættir séu til staðar og hvernig þeir verði afhentir. Verið að vinna lausn á þessu og ekkert sem bendir til annars en að málið leysist,“ segir Páll Ágúst í samtali við Túrista.

Líkt og hér var greint var frá í gær þá segjast flugmálayfirvöld í Washington borg í Bandaríkjunum að þau tengist ekki eða þekki til  áforma US Aerospace Associates um opna höfuðstöðvar WOW air við Washington Dulles flugvöll. Þetta stangast á við fullyrðingar Michele Ballarin í viðtali við viðskiptakálf Morgunblaðsins í fyrradag. Þar sagði hún flugmálayfirvöld í bandarísku höfuðborginni vera „ótrúlega spennt“ yfir því að WOW væri á leið til borgarinnar.

Túristi hefur óskað eftir skýringum frá Michele Ballerin á nokkrum fullyrðingum hennar í fyrrnefndu viðtali. Til að mynda um fyrri störf Charles Celli sem hún segir framkvæmdastjóra US Aerospace og fyrrum forstjóra Gulfstream þó það stemmi ekki við ferilskrá Celli sjálfs á Linkedin. Einnig er spurt hvort þörfin fyrir fyrir sérstaka starfstöð á Dulles flugvelli skrifist á áform um að ráða erlendar áhafnir. Til viðbótar er Ballerin beðin um að útskýra orð sín um að íslenska krónan hafi fallið 30 prósent líkt og Mogginn hafði athugasemdalaust eftir henni. Páll Ágúst, lögmaður US Aerospace Associates, hefur fengið spurningarnar og verða svörin birt um leið og þau berast.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …