Samfélagsmiðlar

128 þúsund færri farþegar milli Íslands og Bretlands

Á fyrri helmingi ársins fækkaði þeim verulega sem nýttu sér flugsamgöngurnar hingað frá Bretlandseyjum.

Frá Gatwick í London.

Gatwick flugvöllur við Lundúnir hefur verið helsta samgöngumiðstöðin fyrir Íslandsflug síðustu ár. Nú hefur flugferðunum þaðan til Keflavíkurflugvallar fækkað verulega og á fyrri helmingi ársins flugu 87 þúsund færri farþegar milli Gatwick og Keflavíkurflugvallar en á sama tíma í fyrra. Þá hafði Gatwick mikið forskot á aðra flugvelli þegar kom að farþegaflugi til Íslands eins og sjá má á töflunni hér fyrir neðan.

Nú er Heathrow á ný orðin sú breska flugstöð sem flestir nýta til að fljúga til Íslands. Þaðan flugu samtals 175 þúsund farþegar á fyrstu sex mánuðum ársins en rétt um 150 þúsund frá Gatwick. Hafa ber í huga að stór hluti þeirra sem nýta sér ferðir Icelandair frá Bretlandi eru farþegar sem aðeins millilenda hér á landi á leið sinni milli Bretlands og Norður-Ameríku.

Allt frá stofnun þá flugu þotur WOW air til Gatwick og þó flugfélagið hefði komist í gegnum síðasta vetur þá var samdrátturinn á Gatwick fyrirsjáanlegur. WOW air hafði nefnilega selt afgreiðslutíma sína á þeim flugvelli og ætlaði að færa Lundúnarflugið yfir á Stansted. WOW air hafði líka skorið niður flug frá Edinborg en þaðan hefur farþegum í ár fækkað um helming sem gæti opnað dyr fyrir Icelandair í borginni.

Til viðbótar við fall WOW air þá hafa bæði easyJet og British Airways skorið niður eða boðað færri flugferðir milli Íslands og Bretlands. Á sama tíma hættu stjórnendur Wizz Air við að fljúga hingað daglega frá Luton í vetur og láta í staðinn fimm ferðir í viku duga. En Luton flugvöllur er engu að síður í mikilli sókn þegar kemur að Íslandsflugi því þaðan komu 42 prósent fleiri farþegar til landsins á fyrri hluta ársins en á sama tíma í fyrra samkvæmt upplýsingum frá breskum flugmálayfirvöldum. Isavia neitar að birta álíka upplýsingar og kærði Túristi þá afstöðu stjórnenda þess til úrskurðarnefndar upplýsingamála í maí 2018. Niðurstaða liggur ekki fyrir í málinu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …