Samfélagsmiðlar

39 prósent færri áætlunarferðir til Bandaríkjanna

Af þeim tíu löndum sem oftast var flogið til frá Keflavíkurflugvelli í júlí þá fjölgaði ferðunum eingöngu til Noregs og Sviss.

Bandaríska flugfélagið Delta er eitt af þeim fjórum sem flýgur reglulega milli Íslands og Bandaríkjanna.

Flugsamgöngur milli Íslands og Bandaríkjanna jukust verulega síðastliðið sumar með tilkomu Íslandsflugs American Airlines og United Airlines. Á sama tíma fjölgaði áfangastöðum Icelandair og WOW air vestanhafs og í júlí í fyrra voru farnar héðan samtals 989 áætlunarferðir til  bandarískra flugvalla. Í nýliðnum júlí fór fjöldinn hins vegar niður í 606 ferðir og nemur samdrátturinn 39 prósentum.

Þrátt fyrir það eru Bandaríkin ennþá það land sem oftast er flogið til og lætur nærri að fjórða hver farþegaþota sem tekur á loft frá Keflavíkurflugvelli setji stefnuna þangað. Vægi Þýskalands og Bretlands er álíka mikið eða um tíund eins og sjá má á listanum hér fyrir neðan. Síðustu sumur hefur Bretland verið í öðru sæti á listanum yfir þau lönd sem oftast er flogið til en hefur nú sætaskipti við Þýskaland enda fækkaði áætlunarferðunum til Bretlands um þrjátíu af hundraði í júlí.

Þessar tölur byggja á  mánaðarlegum talningum Túrista á umferð um Keflavíkurflugvöll. Upplýsingar um farþegafjölda eftir flugleiðum er ekki opinber, öfugt við það sem tíðkast í mörgum löndum, og þá afstöðu stjórnenda Isavia kærði Túristi til úrskurðarnefndar upplýsingamála í maí í fyrra. Ennþá liggur ekki fyrir niðurstaða í málinu.

Í nýliðnum júlí stóð Icelandair undir um tveimur af hverjum þremur flugferðum frá Keflavíkurflugvelli og hefur hlutfallið ekki verið svo hátt lengi.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …