Þó flugfélögunum á Keflavíkurflugvelli hafi aðeins fækkað um eitt í nýliðnum júlí þá dróst fjöldi áætlunarferða þaðan saman um 28 prósent frá sama tíma á síðasta ári. Skýringin á þessum mikla samdrætti liggur í brotthvarfi WOW air sem stóð fyrir 1012 áætlunarferðum í júlí í fyrra samkvæmt talningum Túrista. Hátt í þrjú hundruð fleiri ferðir á vegum Icelandair og þónokkur viðbót frá SAS drógu úr fallinu sem var engu að síður mikið.
Vægi Icelandair jókst verulega í júlí og stóð félagið fyrir tveimur af hverjum þremur áætlunarferðum sem er álíka mikið og í júlí 2014 eins og sjá má á súluritinu hér fyrir neðan.