Samfélagsmiðlar

Ballarin fundar um endurreisn WOW í Reykjavík

Bandaríska afthafnakonan Michele Ballarin er stödd hér á landi og hefur fengið Gunnar Stein Pálsson almannatengil í lið með sér.

WOW þota á Stansted flugvelli í London.

Þó skiptastjórar WOW air hafi rift kaupsamningi sínum við Michele Ballarin, á helstu eignum þrotabúsins, þá vinnur hún ennþá að stofnun nýs félags á grunni WOW air. Og það er ástæða þess að Ballarin er núna stödd hér á landi og fundar með frammáfólki í íslenskri ferðaþjónustu og viðskiptalífi samkvæmt heimildum Túrista. Í föruneyti hennar er sem fyrr lögmaðurinn Páll Ágúst Ólafsson en einnig Gunnar Steinn Pálsson almannatengill. Í samtali við Túrista staðfesti Gunnar Steinn að hann ynni „með“ Michele Ballarin en vildi að öðru leyti ekkert tjá sig um málið. Gunnar Steinn hefur síðustu áratugi verið einn þekktasti almannatengill landsins og meðal annars unnið fyrir Ólaf Ragnar Grímsson, fyrrum forseta. Auk þess var hann ráðgjafi fyrir bankastjóra Kaupþings fyrir hrun og Hannes Smárason.

Líkt og Ballarin lýsti í tveggja opnu viðtali við viðskiptakálf Morgunblaðsins þann 24. júlí þá hyggst hún í félagi við fleiri fjárfesta setja um 12 milljarða króna í endurreisn WOW air. Fyrstu skref munu vera að hefja flug milli Bandaríkjanna og Íslands. Þar á meðal frá Dulles flugvelli við Washington borg þar sem ætlunin var að opna höfuðstöðvar flugfélagsins og sérstaka WOW air biðstofu. Við þessi áform könnuðust flugmálayfirvöld í bandarísku höfuðborginni ekki líkt og Túristi hefur áður greint frá.

 

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …