Samfélagsmiðlar

Boðar sparnaðaraðgerðir hjá SAS

Hátt olíuverð, veik sænsk króna og flugmannaverkfall eru helstu ástæður þess að hagnaður á síðasta ársfjórðungi dróst saman hjá SAS. Félagið þarf því að grípa til ráðstafana að mati forstjórans.

Rickardm Gustafson, forstjóri SAS.

Afkoma flugfélagsins SAS á síðasta fjórðungi var jákvæð um nærri einn og hálfan milljarð sænskra króna. Það jafngildir um 19,2 milljörðum íslenskra króna. Á sama tíma í fyrra var hagnaðurinn um fjórðungi hærri og skrifa stjórnendur flugfélagsins samdráttinn á hærra olíuverð, flugmannaverkfall og svo hefur veikt gengi sænsku krónunnar slæm áhrif en SAS gerir upp í þeirri mynt. Þetta er meðal þess sem kom fram í tilkynningu sem félagið sendi frá sér í morgun í tilefni af uppgjöri fyrir þriðja fjórðung ársins. Honum lauk í lok júlí þar sem reikningsárið hjá SAS nær frá 1. nóvember til loka október.

Þriðji fjórðungur ársins nær þar með yfir maí til júlí og er því arðbærasti hluti ársins því þá eru flestir á ferðinni. Rickard Gustafson, forstjóri SAS, vildi í samtölum við fjölmiðla í morgun þó ekki gefa neitt út um hvort félagið yrði rekið með hagnaði í ár, sagði aðeins að það væri áskorun að enda árið réttum megin við núllið.

Og forstjórinn boðar áframhaldandi aðhald í rekstri þar sem einingakostnaður hefði ekki lækkað í takt við áætlanir. Þannig á að breyta framkvæmdastjórn félagsins með það fyrir augum að skerpa á ábyrgð og flýta nauðsynlegum umbreytingum í rekstrinum eins og það er kallað í kynningu. Í yfirstjórn SAS eiga sæti sex framkvæmdastjórar auk forstjórans en til samanburðar þá eru framkvæmdastjórarnir átta talsins hjá Icelandair.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …