Samfélagsmiðlar

Færa Íslandsflugið næsta sumar frá Dallas til Philadelphia

Beint flug til Dallas frá Keflavíkurflugvelli verður ekki í boði á næsta ári en aftur á móti munu farþegar þar geta valið á milli ferða með bæði American Airlines og Icelandair til Philadelphia.

Ráðhúsið í Philadelphia.

Sú óvenjulega staða kom upp í fyrra að bæði íslensku flugfélögin hóf flug til Dallas í Texas-fylki og um leið hóf American Airlines, stærsta flugfélag í heimi, að fljúga hingað frá borginni. Við þessa samkeppni réðu Icelandair og WOW air ekki og tilkynntu stjórnendur flugfélaganna í haust að þráðurinn yrði ekki tekinn upp nú í sumar. American Airlines hélt hins vegar sínu striki. Á því verður nú breyting því í svari frá flugfélaginu, við fyrirspurn Túrista, segir að næsta sumar muni þotur American Airlines fljúga til Íslands daglega frá Philadelphia. Á sama tíma verður flugið hingað frá Dallas lagt niður en það hefur jafnframt verið á boðstólum alla daga vikunnar.

Að sögn blaðafulltrúa American Airlines þá hefur þessi breyting það meðal annars í för með sér að möguleikar farþega á tengiflugi, í tenglsum við Íslandsferðirnar, munu aukast enda flýgur American Airlines út um öll Bandaríkin frá Philadelphia.

Þessi uppstokkun hjá American Airlines gerir það að verkum að nú fær Icelandair samkeppni í flugi til Philadelphia. Borgin hefur verið hluti af sumaráætlun félagsins síðustu ár og í nýliðnum júlí flugu þotur félagsins sautján ferðir til borgarinnar samkvæmt talningu Túrista. Sem fyrr segir ætlar American Airlines hins vegar að fljúga þessa leið daglega frá 4. júní til24. október.

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …