Samfélagsmiðlar

Annar hver ferðamaður til landsins með Icelandair

Það voru 678 þúsund erlendir ferðamenn sem heimsóttu landið heim í sumar. Miðað við nýjar farþegatölur Icelandair lætur nærri að rétt rúmlega helmingur þeirra hafi flogið til landsins með Icelandair. Sætanýtingin hjá félaginu lækkaði aftur í ágúst.

Vægi tengifarþega hjá Icelandair hefur lækkað umtalsvert í sumar í takt við aukna áherslu félagsins á farþega á leið til og frá Íslandi. Þessi breyting hefur vafalítið dregið töluvert úr samdrættinum í komum erlendra ferðamanna til Íslands eftir fall WOW air. Á sama tíma má gera ráð fyrir að meðalfargjöldin hjá Icelandair hafi hækkað því samkeppnin í flugi milli Evrópu og N-Ameríku er hörð á meðan hún hefur dregist töluvert saman í Íslandsflugi. Stjórnendur Icelandair, öfugt við kollega þeirra hjá SAS og Norwegian, birta hins vegar ekki skýrar upplýsingar um fargjaldaþróun og því er ekki hægt að sjá þessa þróun svart á hvítu.

„Íslensk ferðaþjónusta hefur notið góðs af auknum farþegafjölda Icelandair í sumar en sá sveigjanleiki sem við höfum í leiðakerfinu gerir okkur kleift að bregðast við breyttum aðstæðum á markaði með jafn skjótum hætti og raun ber vitni. Þessar áherslubreytingar hafa verið til hagsbóta fyrir íslenska ferðaþjónustu,“ segir Bogi Nils Bogason, forstjóri Icelandair Group, í tilkynningu.

Þar kemur jafnframt fram að félagið hafi flogið með um 720 þúsund farþega til Íslands í sumar. Og þar sem farþegar eru taldir á hverjum  fluglegg má segja að þarna hafi verið á ferðinni um 360 þúsund einstaklingar. Til samanburðar flugu héðan 678 þúsund ferðamenn í sumar samkvæmt talningu Ferðamálastofu. Þar með má á áætla að rétt rúmur helmingur þeirra ferðamanna sem hingað komu, í gegnum Keflavíkurflugvöll í sumar, hafi setið um borð í þotum Icelandair.

Til samanburðar hefur Icelandair staðið undir um tveimur af hverjum þremur brottförum frá Keflavíkurflugvelli eftir fall helsta keppinautarins. Þrátt fyrir brotthvarf WOW þá hefur sætanýtingin hjá Icelandair lækkað síðustu tvo mánuði. Í júlí var ástæðan sögð ójafnvægi í leiðakerfi félagsins sem gerði það að verkum að framboðið milli ferða til Evrópu og N-Ameríku var ekki rétt. Skýringuna á þessu mátti þá rekja að hluta til kyrrsetningar MAX þotanna.

Sætanýtingin lækkaði aftur nú í ágúst og aðspurð segir Ásdís Ýr Pétursdóttir, upplýsingafulltrúi Icelandair, í svari til Túrista, að hluta af skýringunni sé ójafnvægi í leiðakerfinu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …