Samfélagsmiðlar

Boeing tjáir sig ekki

Icelandair hefur náð bráðabirgðasamkomulagi við framleiðanda MAX þotanna um bætur. Ekki liggur fyrir hver upphæðin er en ljóst er að félagið hefur lækkað mat sitt á neikvæðum áhrifum töluvert.

Fjórar af hinum kyrrsettu MAX þotum Icelandair.

Við tjáum okkur ekki um viðræður við viðskiptavini,“ segir í svari talsmanns Boeing við þeirri einföldu spurningu hvort fleiri flugfélög en Icelandair hafi gert samkomulag um bótagreiðslur frá flugvélaframleiðandanum vegna MAX krísunnar. En líkt og greint var frá á föstudag þá hefur Icelandair náð bráðabirgðasamkomulagi við Boeing um bætur en upphæðin er trúnaðarmál. Af svari blaðafulltrúa Boeing að dæma þá er ljóst að ekki verða veitt svör við ítarlegri spurningum.

Hin mikla óvissa um hvenær MAX þoturnar fara í loftið á ný og hversu háar bæturnar verða hefur engu að síður valdið það miklum titringi í þjóðarbúskapnum að hagvaxtarhorfur fyrir næsta ár eru nú neikvæðari en áður að mati sérfræðingar Seðlabankans. Á fimmtudag beindi Gylfi Zoega, prófessor í hagfræði við Háskóla Íslands og nefndarmaður í peningastefnunefnd, svo þeim tilmælum til þingmanna að þeir fylgdust með stöðu Icelandair. „Það má ekki veðja þjóðarbúinu á að við fáum bætur frá Boeing. Þetta er eitthvað sem þið verðið að huga að,“ sagði Gylfi.

Rúmum sólarhring eftir að þessi orð féllu, á opnum fundi efnahags- og viðskiptanefnd Alþingis, þá sendi Icelandair frá sér fyrrnefnda tilkynningu um skaðabætur frá Boeing. Áður hafði Bogi Nils Bogason, forstjóri Icelandair, gagnrýnt málatilbúnað Gylfa Zoega.

Athygli vekur að í föstudags tilkynningu Icelandair segir að þrátt fyrir bótagreiðsluna þá standi EBIT afkomuspá ársins óbreytt en hún gerir ráð fyrir um níu til ellefu milljarða króna tapi. Hvort það þýði að afkoma félagsins í ár hafi versnað sem nemur bótagreiðslunni á væntanlega eftir að koma í ljós.

Þegar afkoma Icelandair fyrir fyrri hluta ársins var kynnt nú í byrjun ágúst kom það fram að stjórnendur flugfélagsins mátu tjónið vegna MAX þotanna á 140 milljónir dollara. Það samsvarar um 17 milljörðum króna. Þá var gert ráð fyrir að þoturnar yrði komnar í loftið í enda október sem þýddi að kostnaðurinn hefur numið að jafnaði tæpum 20 milljónum dollara á mánuði. Núna er hins vegar stefnt að því að taka þoturnar í gagnið um miðjan janúar og uppfært mat stjórnenda Icelandair, á neikvæðum áhrifum af kyrrsetningunni, er 135 milljónir dollara þegar tekið er tillit til bótagreiðslunnar.

Það jafngildir þá rúmum 13 milljónum dollara á mánuði fyrir tímabilið frá miðjum mars í ár og fram í miðjan janúar á næsta ári. Í ljósi þess að Icelandair þurfti í sumar að leigja fimm þotur til að fylla skarðið sem MAX þoturnar skildu eftir sig má gera ráð fyrir að kostnaðurinn hafi verið miklu hærri þá en núna í vetur þegar félagið er aðeins með eina leiguvél. Á móti kemur þó að MAX þoturnar eru mun sparneyttari og menga því minna sem hefði sparað Icelandair kaup á þotueldsneyti og mengunarkvótum.

Ljóst er að stjórnendur Icelandair ætla að sækja meira til Boeing því í viðtali við Mbl.is um helgina sagði Bogi Nils að stefnt væri að því að fá frekari bætur.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …