Samfélagsmiðlar

Flokksbræður ekki sammála um varaflugvallagjald

Jón Gunnarsson, þingmaður Sjálfstæðisflokksins og fyrrum samgönguráðherra, er ekki lengur sannfærður um að leggja sérstakt gjald á farþega í alþjóðaflugi til að standa undir framkvæmdum við varaflugvelli landsins. Hugmyndin að gjaldinu kemur úr skýrslu starfshóps sem Sjálfstæðismaðurinn Njáll Trausti Friðbertsson leiddi og hann hefur ekki breytt um skoðun.

Frá Egilsstaðaflugvelli, einum af varaflugvöllunum fyrir millilandaflug hér á landi.

„Ég get ekki séð að það sé nokkurt vit í því að auka álögur á millilandaflug eins og staðan er í dag,“ sagði Jón Gunnarsson, þingmaður Sjálfstæðisflokksins og formaður umhverfis- og samgöngunefndar, í útvarpsþættinum Sprengisandi á sunnudag. Þar vísaði Jón til sérstaks varaflugvallagjalds sem gert er ráð fyrir í nýrri samgönguáætlun en sú tekjuöflun er meðal þeirra tillagna sem starfshópur samgönguráðherra mælti í ársbyrjun með. Í skýrslu hópsins talað um 100 til 300 króna gjaldi á hvern fluglegg í alþjóðaflugi. Tekjurnar á að nýta til að standa straum af viðhaldi og uppbyggingu varaflugvallanna í Reykjavík, Akureyri og Egilsstöðum.

Formaður þessa starfshóps var þingmaðurinn Njáll Trausti Friðbertsson og hann segist ekki vera sammála flokksbróður sínum um að varaflugvallargjaldið sé ekki lengur valkostur. „Það má vel vera að rétt væri að fresta upptöku þjónustugjalds vegna varaflugvallanna vegna þeirra erfiðleika sem nú eru uppi í fluginu. Það verður hins vegar að vera einhver sýn til lengri tíma hvernig eigi að standa að málum,“ segir Njáll í svari til Túrista.

Hann bætir því við að skoða ætti hvort þeim álögum sem lagðar voru á vegna varaflugvallanna hefði verið skilað til baka. „Þegar varaflugvallagjaldið var langt niður á sínum tíma lækkuðu ekki álögurnar á flugið heldur runnu þær í staðinn í flugstöðina á Keflavíkurflugvelli. Það þarf að vera til stefna og við köstum henni ekki fyrir róða vegna tímabundinna erfiðleika í flugrekstri. Þannig að í sjálfu sér má sækja fjármunina til Isavia og þeir færðir þangað sem þeim var ætlað að fara upprunalega.“

Njáll Trausti bendir jafnframt á að frá því að hætt var við að leggja á varaflugvallagjald árið 2011 þá hafi fjármögnun flugvallakerfisins hrunið. Vísar hann til þess að á árunum 1988 til 2010 hafi að jafnaði verið varið um 1,5 milljarði króna í viðhald og nýframkvæmdir á öðrum flugvöllum en Keflavíkurflugvelli. Sú tala hafi lækkað niður í 363 milljónir á ári.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …