Tvær af hverjum þremur ferðum á vegum Icelandair

Það voru tuttugu og þrjú flugfélög sem buðu upp á áætlunarferðir frá Keflavíkurflugvelli í ágúst. Hið eina íslenska stóð þó undir bróðurpartinum.

Úr Flugstöð Leifs Eiríkssonar. Mynd: Isavia

Það voru að jafnaði farnar áttatíu áætl­un­ar­ferðir frá Kefla­vík­ur­flug­velli á degi hverjum í nýliðnum ágúst. Á sama tíma í fyrra voru brott­far­irnar um 103 á dag og samdrátt­urinn nemur því um 22 prósentum. Það er ögn minna en í júní (25%) og júlí (28%) samkvæmt taln­ingum Túrista.

Líkt og fyrr í sumar þá er það Icelandair sem stendur undir lang­flestum brott­förum frá Kefla­vík­ur­flug­velli eða tveimur af hverjum þremur. Hlut­deild félagsins hefur aukist umtals­vert eftir fall WOW air eins og sjá má á súlu­ritinu. Wizz Air er næst umsvifa­mest og þar á eftir kemur SAS.