Samfélagsmiðlar

Vetrarferðir til Vilnius á nýjan leik

Mikil eftirspurn eftir flugi milli Íslands og höfuðborg Litháen er ástæða þess að Wizz Air gerir aðra tilraun til að halda úti þessari flugleið utan háannatíma.

Vilnius í vetrarbúningi.

Jómfrúarferð  Wizz Air, frá Vilníus í Litháen til Íslands, var farin haustið 2016 og þá var ætlunin að starfrækja flugleiðina allt árið um kring. Af því varð þó ekki því síðasta vetur lágu ferðirnar niðri en nú ætla stjórnendur þess  ungverska lággjaldaflugfélags að gera aðra tilraun. „Við sáum að eftirspurn eftir þessari flugleið yfir vetrarmánuðina er jákvæð og því var ákveðið fyrr í sumar að gera þetta að heilsárs flugleið,“ segir Andras Rado, blaðafulltrúi Wizz Air, í svari við fyrirspurn Túrista. „Við höfum fulla trú á velgengni þessarar leiðar,“ bætir Rado við. Af fargjöldunum að dæma þá er töluvert af lausum sætum í ferðir Wizz Air næstu mánaða og kosta ódýrustu farmiðarnir rétt um 4 þúsund krónur, aðra leið.

Talsmaður Wizz Air segist lítið geta gefið út um hvernig farþegar í Íslandsfluginu frá Litháen skiptast á milli þjóða. Það eru þó ekki aðeins Litháar og Íslendingar um borð því Hvít-Rússar nýta sér þessar ferðir einnig enda stutt frá flugvellinum í Vilníus yfir að landamærum Hvíta-Rússlands. Rado segir þó að vægi Hvít-Rússa í farþegahópnum mælist í eins stafs tölu.

Auk áætlunarferða hingað frá höfuðborg Litháen á miðvikudögum og laugardögum þá býður Wizz air upp á  Íslandsflug frá fimm borgum í Póllandi, Búdapest, London, Vínarborg og Riga í Lettlandi.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …