Samfélagsmiðlar

Afkoma flugfélaga fram úr væntingum

Þó síðustu misseri hafi reynst mörgum flugfélögum erfið þá var góður gangur hjá Delta og EasyJet á síðasta fjórðungi.

Þota Delta á Keflavíkurflugvelli.

Kjaradeildur og kyrrsettar MAX þotur hafa sett strik í reikninginn hjá ófáum flugfélögum í ár sem hafa af þeim sökum þurft að fella niður ferðir og leigja dýrar þotur til að takast á við ástandið. Á sama tíma hefur árið verið gott hjá sumum af þeim flugfélögum sem ekki eiga Boeing MAX þotur eða standa í stappi við starfsfólk um launakjör. Það er alla vega raunin hjá Delta Air Lines og easyJet en bæði fyrirtæki birtu í vikunni afkomu sína á síðasta ársfjórðungi.

Þannig var sumarvertíðin sú besta í sögu Delta flugfélagsins og skrifast það meðal annars á þá staðreynd að helstu keppinautar félagsins þurftu að fella niður þúsundir ferða vegna Boeing MAX krísunnar. Hagnaður Delta á þriðja ársfjórðungi jókst því um þrettán prósent og nam um einum og hálfum milljarði dollara.

Meðvindin hjá easyJet má svo að töluverðu leyti rekja til verkfalla hjá British Airways og Ryanair samkvæmt því sem fram kom í máli forstjórans þegar afkoman á fjórðungnum var kynnt í gær. Vegna þessa þá með gerir forsvarsfólk breska lággjaldaflugfélagsins ráð fyrir að hagnaður ársins verði aðeins meiri en áður var spáð en þó minni en í fyrra.

Bæði easyJet og Delta hafa verið umsvifamikil í Íslandsflugi síðustu ár en hafa bæði dregið aðeins úr að undanförnu. Þannig munu þotur Delta ekki fljúga hingað í vetur frá JFK flugvelli í New York og easyJet heldur ekki uppi eins tíðum áætlunarferðum frá Bretlandi til Keflavíkurflugvallar í vetur. Félagið mun heldur ekki fljúga hingað frá Basel og Genf í Sviss næsta sumar.

Nú getur þú tekið þátt í að styrkja og efla útgáfu Túrista

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …