Samfélagsmiðlar

Áfram lengist biðin eftir MAX

Stjórnendur Icelandair fylgja nú fordæmi fleiri flugfélaga og gera nú fyrst ráð fyrir MAX þotunum í lok febrúar. Niðurstöður rannsóknar á hrapi Boeing vélar Lion Air í Indónesíu voru kynntar í dag.

MAX þotur við verksmiðjur Boeing í Washington fylki í Bandaríkjunum.

Fyrir rúmum sjö mánuðum síðan voru Boeing 737 MAX þotur kyrrsettar um heim allan í kjölfar tveggja flugslysa sem kostuðu 346 manns lífið. Fyrr í dag kynntu rannsakendur fyrra atviksins, hrapi Boeing MAX þotu Lion Air í Indónesíu, niðurstöður sínar. Þar kemur meðal annars fram að slysið megi rekja til röð mistaka sem tengist flugvélaframleiðandanum, flugfélaginu og flugmönnunum. Flest þessara mistaka munu snúa að einhverjum hætti að hinu margumrædda MCAS-stýrikerfi flugvélanna samkvæmt því sem fram kemur í frétt BBC. Boeing hefur ekki ennþá tjáð sig um niðurstöðuna.

Forsvarsmenn Boeing hafa þó með jöfnu millibili gefið út að þeir eigi von á því að þoturnar fari í loftið á ný fyrir ákveðna tímasetningu en það hefur ekki gengið eftir hingað til. Nú síðast sagði forstjóri Boeing að hann ætti von á kyrrsetningu þotanna yrði aflétt fyrir lok árs. Engu að síður hafa sífellt fleiri flugfélög gert ráðstafanir sem miða að því að biðin verði lengri en forstjóri Boeing telur. Fyrr í þessum mánuði tóku stjórnendur Air Canada og Southwest flugvélarnar út úr áætlun fram í febrúar og hjá Norwegian er fyrst reiknað með þotunum á ný þegar sumardagskráin hefst í lok mars. Í gær bættist Icelandair svo í flokk þessara félaga því þar á bæ er núna fyrst reiknað með MAX þotunum  í lok febrúar. Þessi ákvörðun mun hafa lítil áhrif á flugáætlun félagsins.

„Eins og við höfum áður sagt, teljum við ólíklegt að MAX vélarnar verði komnar aftur í rekstur fyrir lok þessa árs. Við viljum hins vegar lágmarka áhrif á farþega okkar og framlengja þetta tímabil með góðum fyrirvara, enda gott svigrúm hjá okkur á þessum árstíma að nýta aðrar vélar í flotanum hjá okkur,“ segir Bogi Nils Bogason, forstjóri Icelandair Group, í tilkynningu.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …