Samfélagsmiðlar

Enginn samdráttur hjá Booking á íslenska markaðnum

Það voru Þjóðverjar sem bókuðu flestar gistingar hér á landi í gegnum Booking.com í sumar. Að höfuðborgarsvæðinu frátöldu þá nýtur Akureyri mestra vinsælda hjá notendum gistimiðlunarinnar.

Frá Akureyri en þar bóka margir notenda Booking.com gistingu.

Þrátt fyrir að fjöldi erlendra ferðamanna hafi dregist saman um fimmtán prósent í sumar þá stóð fjöldi gistinótta á hótelum og öðrum gististöðum nánast í stað. Þetta sýna tölur Ferðamálastofu og Hagstofunnar. Og þessi þróun er jafnframt í takt við tölur gistimiðlunarinnar Booking.com sem er mjög umsvifamikil hér á landi sem víðar. Í svari fyrirtækisins, við fyrirspurn Túrista, segir að yfir sumarmánuðina þrjá hafi fjöldi bókana verið sambærilegur við sumarið á undan.

Dvalartími ferðamanna hér á landi hefur því lengst í sumar og eins hefur skekkjan í ferðamannatalningunni minnkað með færri flugleiðum til og frá Keflavíkurflugvelli eins og gera mátti ráð fyrir.

Flestir þeirra sem bóka gistingu hjá Booking panta sér herbergi á hóteli en Þjóðverjar voru sú þjóð sem bókaði flestar sumargistingar hér á landi í sumar í gegnum vefsíðuna eins og sjá má hér fyrir neðan.

Aðspurður um bókanir vetrarins þá segir blaðafulltrúi Booking að eins og staðan er í dag þá stefni í smá viðbót en hins vegar verði að hafa í huga að margir notenda Booking.com bóki gistingar með stuttum fyrirvara. Þar með sé of snemmt að álykta hvernig veturinn verði í samanburði við þann síðasta.

Nú getur þú tekið þátt í að styrkja og efla útgáfu Túrista

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …