Samfélagsmiðlar

Færri Frakkar en helmingi fleiri franskar hótelnætur

Þó ferðafólki fækki hlutfallslega hratt þá er niðursveiflan lítil í kaupum útlendinga á gistingu hér á landi.

Mynd: Sigurjón Ragnar/sr-photos.com

Hingað komu rétt um fimmtungi færri erlendu ferðamennirnir í september í samanburði við sama mánuð í fyrra. Þrátt fyrir það stóð fjöldi skráðra gistinátta útlendinga í stað í september. Samdráttur varð í óskraðri gistingu, t.d. Airbnb, samkvæmt nýbirtum tölum Hagstofunnar. Í þessum mánaðarlegu uppgjörum er aðeins hægt að greina gistingar á hótelum eftir þjóðernum og þegar það er gert sést hversu ólíkar hlutafallslegar breytingar eru á fjölda ferðamanna og hótelnóttum frá hverju landi.

Eitt dæmi um það er að í september fækkaði frönskum ferðamönnum hér um tíund miðað við sama mánuði í fyrra. Aftur á móti fjölgaði hótelnóttum Frakka hér á landi um nærri helming. Nánari skoðun leiðir í ljós að Frakkar bókuðu ríflega tvöfalt fleiri gistingar á Suðurnesjum í síðasta mánuði og um helmingi fleiri á höfuðborgarsvæðinu. Þeim fjölgaði reyndar í öllum landshlutum nema á Vesturlandi og Vestfjörðum.

Hótelnóttum Þjóðverjar, Spánverja, Hollendinga og Svisslendinga fjölgaði líka þrátt fyrir að fjöldi ferðamanna frá þessum þjóðum hafi dregist saman. Eins og sést á töflunni hér fyrir neðan þá fækkaði líka hótelnóttum bandarískra og kanadískra hlutfallslega mun minna en gera hefði mátt ráð fyrir út frá ferðamannatalningunni.

Líkt og áður má rekja hluta af þessu til þeirrar staðreyndar að framboð á flugi hefur dregist verulega saman og hópur sjálftengifarþega því líklega dregist saman. Um leið minnkar skekkjan sem verið hefur í ferðamannatalningunni.

 

Nú getur þú tekið þátt í að styrkja og efla útgáfu Túrista

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …