Samfélagsmiðlar

Fljúga ekki fleiri Íslendingum til Slóveníu

Flugfélagið Adria Airways átti að flytja farþega Heimsferða til Ljubliana á morgun og aftur í lok mánaðar og næsta vor. Stjórnendur félagsins óskuðu eftir gjaldþrotaskiptum í byrjun vikunnar. Spænskt flugfélag fyllir í skarðið.

Frá Ljubljana í Slóveníu.

Þau eru nokkur evrópsku flugfélögin sem hafa fallið síðustu misseri og nú síðast var það slóvenska flugfélagið Adria Airways sem skellti í lás. Þar með sjá Slóvenar að baki stærsta flugfélagi landsins og því umsvifamesta í flugi til og frá höfuðborginni Ljubljana. Adria Airways var þó ekki aðeins stórtækt í áætlunarflugi til og frá heimalandinu heldur sinnti félagið líka leiguflugi þaðan fyrir innlendar og erlendar ferðaskrifstofur.

Á morgun var til að mynda ætlunin að félagið myndi fljúga hingað hópi Slóvena og ferja nærri fulla vél af Íslendingum til Ljubliana á bakaleiðinni. Íslensku ferðalangarnir voru væntanlegir heim með Adria Airways á sunnudaginn og slóvenski hópurinn átti þá að halda af landi brott. Spænskt leiguflugfélag hefur nú tekið þetta verkefni að sér og því verður ekki breyting á ferðatilhöguninni. Að sögn Tómasar J. Gestssonar, forstjóra Heimsferða, þá er núna unnið að því, í samvinnu við samstarfsaðila í Slóveníu, að finna annað flugfélag fyrir næstu Ljubljanaferð Heimsferða sem er á dagskrá 25. október nk. Tómas segir að öllum farþegum morgundagsins hafi verið gert viðvart um breytingarnar en hliðra þurfti flugtímum um eina klukkustund.

Samstarfs Heimsferða og slóvenskra ferðaskipuleggjenda hefur verið á boðstólum síðustu ár á vorin og aftur á haustin og það sést greinilega í hóteltölfræði Hagstofunnar að fjöldi slóvenskra hótelgesta hér á landi nær hámarki í kringum þessar ferðir, þ.e. í apríl og október.

Slóvensk stjórnvöld hafa gefið út að evrópskar reglur banni verulegan opinberan stuðning við rekstur flugfélaga og því hafi ekki verið hægt að koma Adria Airways til bjargar. Á sama tíma hafa ráðamenn í Slóveníu gagnrýnt eigendur flugfélagsins fyrir óábyrgan rekstur en Adria Airways var í opinberri eigu fram til ársins 2016 en þá var það selt til þýsks fjárfestingarsjóðs. Nýir eigendur byrjuðu hins vegar á því að selja flugflotann og endurleigja á ný. Um leið versnaði reksturinn samkvæmt því sem segir í frétt Reuters.

Nú getur þú tekið þátt í að styrkja og efla útgáfu Túrista

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …