Samfélagsmiðlar

Önnur evrópsk flugfélög sjá tækifæri í San Francisco

Stuttu eftir að Icelandair gaf frá sér flug til San Francisco þá bættu tvö flugfélög borginni við leiðakerfi sitt. Norwegian hefur fjölgað ferðum sínum þangað frá fimm evrópskum borgum sem allar eru í dag hluti af áætlun Icelandair.

Frá San Francisco.

Afkoma af áætlunarferðum Icelandair til San Francisco stóð ekki undir væntingum og því mun félagið leggja niður þessa flugleið líkt og tilkynnt var um mánaðamótin. Þetta var í annað sinn á þessari öld sem Icelandair spreytir sig á flugi til borgarinnar. Með brotthvarfi Icelandair þaðan þá heyra beinar flugsamgöngur milli Íslands og Kaliforníu sögunni til en breiðþotur WOW air flugu til bæði Los Angeles og San Francisco frá sumarbyrjun 2016.

Á sama tíma og Icelandair kveður Kaliforníu þá sjá þó önnur evrópsk flugfélög sóknarfæri í San Francisco. Nokkrum dögum eftir að ákvörðun stjórnenda Icelandair lá fyrir þá tilkynntu starfsbræður þeirra hjá Alitalia að ítalska flugfélagið myndi endurnýja kynni sín af San Francisco næsta sumar. Og í byrjun ágúst ætlar pólska flugfélagið LOT að fara sína jómfrúarferð til borgarinnar sem verður þá níundi áfangastaður félagsins í Norður-Ameríku. Sú ákvörðun mun haldast í hendur við þá ákvörðun Donald Trump, forseta Bandaríkjanna, að falla frá kröfu um að pólskir ferðamenn hafi sérstakar vegabréfaáritanir við komuna til landsins.

Í ljósi þeirra breytinga verður áhugavert að sjá hvort stjórnendur Icelandair sjái hag í flugi til Póllands eða lagi flugáætlun sína að einhverju leyti að flugi Wizz Air til Íslands. Það flugfélag flýgur nefnilega hingað frá fimm pólskum borgum.

Og það ekki nóg með að LOT og Alitalia ætli að hefja flug til San Francisco á sama tíma og Icelandair hverfur frá þessari sjöundi fjölförnustu flughöfn Bandaríkjanna. Í dag tilkynnti nefnilega Norwegian að ferðunum til San Francisco frá London, Barcelona, Madríd og París verði fjölgað og auk þess bætt við brottförum frá Ósló til Oakland, sem er í nágrenni við San Francisco. Icelandair flýgur í dag til allra þessara evrópsku borga en getur innan skamms ekki lengur boðið farþegum þaðan upp á flug til Kaliforníu, með millilendingu á Íslandi.

Nú getur þú tekið þátt í að styrkja og efla útgáfu Túrista

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …