Fimmtán ólíkar tegundir af jólabjór eru nú fáanlegar í Fríhöfninni í Leifsstöð en þetta árstíðabundna brugg kemur ekki í hillur Vínbúðanna fyrr en 14. nóvember. Síðustu ár hefur Túristi fylgst með verðlagningunni á jólabjórnum í Fríhöfninni og það eru litlar verðbreytingarnar í ár. Sumar tegundir eru til að mynda ódýrari að þessu sinni en fyrir þremur árum síðan eins og sjá má á töflunni hér fyrir neðan.
Þeir farþegar sem vilja fullnýta tollinn sinn til að kaupa jólabjór geta keypt þrjár stórar og fjórar litlar kippur samkvæmt reiknivél Fríhafnarinnar.