Samfélagsmiðlar

Svo góð er sætanýtingin í innanlandsfluginu ekki

Það er ekki þannig að átta af hverjum tíu sætum í flugvélum Air Iceland Connect séu að jafnaði skipuð farþegum þegar flogið er til og frá Akureyri og Egilsstöðum.

Bombardier flugvél Air Iceland Connect.

Upplýsingar um fjölda farþega í flugi til og frá landinu hafa ekki verið opinberar hér á landi og nýverið komst úrskurðarnefnd um upplýsingamál að þeirri niðurstöðu Isavia bæri ekki að afhenda Túrista þess háttar gögn. Í frétt Morgunblaðsins í dag, um samanburð á losun vegna bíla- og flugumferðar, segir hins vegar að sætanýting í flugi Air Iceland Connect, í flugi til Akureyrar og Egilsstaða, sé um 80 prósent samkvæmt upplýsingum frá Isavia.

Þessi tala vekur ekki aðeins athygli vegna þess hve fátíð svona upplýsingagjöf er heldur líka vegna þess að sætanýting hjá Air Iceland Connect er vanalega í kringum sjötíu prósent samkvæmt flutningatölum sem Icelandair Group, móðurfélag flugfélagsins, birtir mánaðarlega. Og áætlunarferðir norður og austur eru stór hluti af heildarumsvifunum í innanlandsfluginu.

„Ég vildi að við gætum sýnt áttatíu prósent sætanýtingu en það er því miður ekki raunveruleikinn,“ segir Árni Gunnarsson, forstjóri Air Iceland Connect, í svari til Túrista um tölurnar sem fram koma í Morgunblaðinu í dag. Árni bætir því hins vegar við að þrátt fyrir að nýtingin sé nokkru minni þá er ekki þar með sagt að innanlandsflugið geti ekki verið umhverfisvænni samgöngumáti en þar sem allt að tveir eru á ferð í einkabíl.

Aðspurður segir Guðjón Helgason, upplýsingafulltrúi Isavia, að tölurnar í fyrrnefndri frétt séu ekki eiginlegar sætanýtingartölur frá Isavia. „Þarna er um að ræða forsendur sem gefnar voru til útreikninga í dæmi sem tekið var í erindi Sigrúnar Jakobsdóttur, framkvæmdastjóra flugvallasviðs Isavia, á Arctic Circle fyrr í þessum mánuði. Í erindinu ræddi Sigrún um losun gróðurhúsalofttegunda í samgöngum milli landshluta á Íslandi og samanburð á samgöngumátum. Við útreikninga í máli sínu gaf Sigrún sér ákveðnar forsendur og þar á meðal sætanýtingu í innanlandsflugi milli staða. Ekki var því um eiginlegar og staðfestar tölur frá okkur að ræða,“ segir Guðjón.

Nú getur þú tekið þátt í að styrkja og efla útgáfu Túrista

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …