Samfélagsmiðlar

Upplýsingar um farmiðaverð gætu komið genginu á flug

Gengi bréfa í SAS og Norwegian hefur hækkað síðustu daga eftir að félögin birtu tölur sem sýndu meðal annars að fargjöldin hefðu hækkað í síðasta mánuði. Icelandair birtir flutningatölur sínar fyrir september á eftir en þar verður ólíklega nokkuð að finna um verðþróun.

Gengi hlutabréfa í Icelandair hefur lækkað um 2,5 prósent í dag og hefur verðmæti þessa stærsta ferðaþjónustufyrirtækis landsins dregist saman um þriðjung frá áramótum. Það hefur líka verið á brattan að sækja hjá SAS og Norwegian ár. Gengi SAS hefur lækkað um 35 prósent og verðmæti þess síðarnefnda hefur lækkað um 39 prósent frá ársbyrjun.

Þessi tvö stærstu flugfélög Norðurlanda hafa þó rétt aðeins úr kútnum eftir birtingu á flutningatölum fyrir september. Þannig hefur gengi Norwegian hækkað um tvö og hálft prósent frá því á föstudagsmorgun þegar félagið birti sínar tölur fyrir nýliðinn mánuð. Þar kom fram að sætanýtingin hækkaði aðeins og það gerðu einnig tekjur á hvern floginn kílómetra. Þær fóru upp um sex af hundraði og meðalfargjaldið um fjögur prósent. Haft var eftir forstjóra Norwegian að þessar tölur væri í takt við áætlanir um að setja hagnað, frekar en vöxt, í forgang enda væri þetta sjötti mánuðurinn í röð þar sem tekjur á hvern farþega færu hækkandi.

Í morgun var svo komið að SAS að birta sínar tölur fyrir september og þær leiddu í ljós að meðalfargjaldið hækkaði ennþá meira þar á bæ eða um 5,4 prósent. Það er töluverð viðbót og hefur gengi bréfa í SAS hækkað um nærri átta af hundraði þegar þetta er skrifað og stutt er í að kauphöllin í Stokkhólmi loki. Reyndar tilkynnti SAS jafnframt í morgun að félagið ætlaði sér að fara í skuldabréfaútgáfu á næstunni sem kann líka að hafa haft sín áhrif.

Í lok vinnudags í dag er svo komið að birtingu farþegatalna Icelandair. Stjórnendur félagsins hafa hins vegar ekki tekið sér starfsbræður sína hjá SAS og Norwegian til fyrirmyndar hvað varðar upplýsingagjöf. Því verður ólíklega eitthvað um fargjaldaþróun að finna í tölum Icelandair á eftir en telja má líklegt að meðalfarmiðinn hafi hækkað eitthvað hjá félaginu eftir brotthvarf WOW air og aukna áherslu á farþegaflug til og frá Íslandi.

Það mun þó ekki vera megin skýringin á því að sætanýtingin hjá Icelandair lækkaði þónokkuð júlí og ágúst. Í tilkynningu sem fylgdi ágúst tölunum segir að kyrrsetning MAX þotanna hafi haft neikvæð áhrif á nýtinguna. Ef fargjöldin hafa hins vegar hækkað í síðasta mánuði þá gætu fjárfestar tekið þeim tíðindum með álíka jákvæðum hætti og raunin var í tilfelli Norwegian og SAS. Á það mun þó ólíklega reyna og gengi bréfa Icelandair gæti því heldur ráðist af því hvort eitthvað komi fram í tilkynningu dagsins um stöðuna á MAX þotunum og hvort biðin eftir þeim lengist.

Nú getur þú tekið þátt í að styrkja og efla útgáfu Túrista

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …