Samfélagsmiðlar

Farþegahópurinn dregst hratt saman

Fjöldi skiptifarþega á Keflavíkurflugvelli í október var rétt rúmlega þriðjungur af fjöldanum á sama tíma í fyrra. Í heildina fækkaði farþegum í Leifsstöð um 35 prósent í síðasta mánuði sem er á pari við samdráttinn í september.

„Fjölgun skiptifarþega er merkur atburður í flugsögu Íslands,“ segir í skýrslu sem unnin var fyrir Isavia um verðmæti þess hóps farþega sem millilendir á Keflavíkurflugvelli á leið milli Evrópu og Norður-Ameríku. Þessi úttekt var birt í nóvember 2017 en þá hafði fjöldi skiptifarþega vaxið hratt árin á undan og spáði skýrsluhöfundur áframhaldandi uppsveiflu næstu ár. Fjöldinn í ár átti þannig að vera rúmar fjórar milljónir.

Miðað við talningu á skiptifarþegum í ár er aftur á móti útlit fyrir að talan verði um helmingi minni eða rétt rúmar tvær milljónir. Það er álíka fjöldi og allt árið 2016. Fall WOW air er skiljanlega megin skýringin á þessari þróun en einnig sú staðreynd að nú einbeitir Icelandair sér helst að farþegum á leið til og frá landinu. Þar með hefur hópur tengifarþega dregist saman í ár og í október nam fækkunin fjórðungi.

Í heildina fækkað farþegum á Keflavíkurflugvelli um nærri 35 prósent í síðasta mánuði sem er litlu meira en í september. Samdrátturinn í haust hefur verið mun meiri en í sumar og vor og munar þar miklu um fyrrnefnda fækkun skiptifarþega. Þeir voru um 123 þúsund í Leifsstöð í október en 328 þúsund á sama tíma í fyrra.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …