Hugsað sem fyrsta skrefið í kolefnisjöfnun

Kolefnisfótspor ferðalaga og sérstaklega flugferða er nú sífellt meira til umræðu. Bílaleigan Avis er eitt þeirra fyrirtækja sem nú ætla að bjóða viðskiptavinum sínum að kolefnisjafna ferðalag sitt. Axel Gómez, framkvæmdastjóri hjá Avis, segir að losunin verði reiknuð út í lok leigutíma og þá út frá fjölda ekinna kílómetra og stærð ökutækis. „Við gerum okkur grein fyrir því að slík nálgun er ekki 100 prósent og þar spila margir óvissu þættir inn í eins og fjöldi farþega í bíl, farangur, langkeyrsla, aldur, tegund og fleira.“

Verkefnið er unnið í samstarfi við fyrirtækið TreememberMe sem bindur kolefnislosunina með gróðursetningu trjáa hér á landi. Viðskiptavinir Avis hafa svo fullt val um hversu mörg tré þeir kaupa óháð útreikningum bílaleigunnar. Skógræktin mun sjá um gróðursetningu og notast er við lausn sem þróuð var af fyrirtækinu TreememberMe en hún gerir viðskiptavinum kleift að skoða ýmsar upplýsingar um trén á vefnum, svo sem staðsetningu, trjátegundir og kolefnisbindingu.

„Okkar þjónusta felst fyrst of fremst í því að upplýsa og bjóða viðskiptavinum okkar þann möguleika að binda sitt kolefnisspor. Þetta er hugsað sem okkar fyrsta skref en enginn ákvörðun um mótframlag hefur ennþá verið tekið og til að byrja með verða viðskiptin eingöngu á milli okkar viðskiptavina og TreememberME,“ svarar Axel aðspurður um hvort bílaleigan sjálf leggi til framlag á móts við kúnnan. Hann bendir á að Avis hafi ákveðið að fara sömu leið í þessu og Icelandair sem einnig býður viðskiptavinum sínum upp á kolefnisjöfnun með þessum hætti.

Í tilkynningu segir að Avis hafi undanfarin misseri lagt stóraukna áherslu á umhverfisvænar lausnir fyrir viðskiptavini og einnig leiðir til að minnka umhverfisáhrif af rekstri. Hið nýja kolefnislosunarverkefni verður hleypt af stokkunum í byrjun næsta mánaðar.

TENGDAR GREINAR: ÓLÍKU SAMAN AÐ (KOLEFNIS)JAFNA

Bretar stíga á bremsuna

Ákvörðun bresku ríkisstjórnarinnar um að seinka banni við sölu á nýjum bensín- og dísilbílum er harðlega gagnrýnd af bílaiðnaðinum sem vinnur að orkuskiptum og hefur fjárfest mikið í nauðsynlegum tæknibreytingum. Ákvörðunin er talin skapa ringulreið í iðnaðinum og meðal neytenda.

Verðlækkunin mögulega skammgóður vermir

Olíuverð hefur hækkað um fimmtung síðustu þrjá mánuði og kallaði sú þróun á viðbrögð frá stjórnendum Icelandair og Play. Hjá því fyrrnefnda er nú reiknað með minni hagnaði í ár en hjá því síðarnefnda mun tapið aukast. Nú í vikunni hefur verð á Norðursjávarolíu lækkað og tonn af þotueldsneyti kostar nú 1030 bandaríkjadollara eða 140 … Lesa meira

„Toyota er að setja mikið afl í þróun rafbíla“

„Þó að Toyota sé ekki í forystusætinu í rafbílavæðingunni nú um stundir þá mun Toyota verða í það til lengri tíma litið," segir Úlfar Steindórsson, forstjóri Toyota á Íslandi, í viðtali við Túrista um sókn Kínverja inn á bílamarkað og stöðu Toyota til lengri tíma.

Niður fyrir 7 milljarða

Gengi hlutabréfa í Play hélt áfram að lækka í Kauphöllinni í dag en félagið tilkynnti fyrir tveimur vikum að tap ársins yrði meira en gert var ráð fyrir. Frá þeim tíma hefur gengið farið niður um þriðjung og lækkunin nemur 65 prósentum ef miðað er október 2021 þegar gengið fór hæst. Markaðsvirði Play í dag … Lesa meira

Bláa lónið fær alþjóðlega vottun

Bláa lónið hefur hlotið alþjóðlega gæðavottun B Corp en tilgangur hennar er að umbylta viðskiptaháttum með því að fá fyrirtæki til að meta þau áhrif sem starfsemi þeirra hefur, til dæmis á umhverfi, einstaklinga og samfélög, til jafns við fjárhagslegan gróða. „Frá upphafi hefur markmið Bláa Lónsins verið að stuðla að aukinni vellíðan með fjölnýtingu … Lesa meira

Hugsað sem fyrsta skrefið í kolefnisjöfnun

Viðskiptavinum bílaleigunnar Avis býðst nú að kolefnisjafna aksturinn. Þessi þjónusta nær einnig til viðskiptavina Budget og Payless á Íslandi.

Áfram er Icelandair á niðurleið og bandarískir sjóðir losa sig við hlutabréf