Samfélagsmiðlar

Leggja til flugbann innan Evrópu

Hækkun á flugsköttum og bann við flugferðum innan Evrópu er meðal þess sem hollenskur stjórnmálaflokkur leggur til.

Flugskattur upp á 100 evrur, um 13.700 kr., verður lagður á alla flugfarþega sem fljúga til og frá Hollandi ef hugmyndir Verkamannaflokksins þar í landi verða að lögum. Flokksráð flokksins sendi frá sér þessar tilllögur í síðustu viku og um er að ræða margfalt hærri álögur á flugið en nú eru í gildi þar í landi.

Tilgangurinn með háa gjaldinu er að draga úr fjölda flugferða og þannig minnka losun gróðurhúsalofttegunda vegna samganga í háloftunum.

Tillaga flokksmanna Verkamannaflokksins um að setja algjört bann við flugi innan Evrópu er þó öllu stórtækari en hækkun flugskatta. En forsendan fyrir banninu er sú að lestarsamgöngur milli landa í álfunni verði nægjanlega góðar til að taka við flugumferðinni. Ekki hafa borist fregnir af því hvort aðrir hollenskir flokkar styðji þessi áform Verkamannaflokksins en þingflokkur hans er sá sjöundi fjölmennasti á hollenska þinginu.

Það er engum blöðum um það að fletta að fluggeirinn er undir miklum þrýstingi vegna umræðu um losun frá starfseminni. Fyrr í mánuðinum gagnrýndi forstjóri Wizz Air keppinauta sína fyrir að verja með viðskiptafarrrými í stuttum flugferðum. Forstjóri Lufthansa hefur talað fyrir lágmarks fargjöldum til að draga úr flugumferð og hollenska flugfélagið KLM birtir núna auglýsingar þar sem neytendur eru spurðir hvort þeir þurfi í raun og veru að fljúga.

Ef svarið er já, þá vill forsvarsfólk KLM meina að þeirra flugfélag sé besti kosturinn í ljósi frumkvæðis þeirra í að minnka kolefnisfótspor fyrirtækisins. Samlöndum þeirra í hollenska Verkamannaflokknum þykir þó greinilega ekki nóg að gert.

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …