Samfélagsmiðlar

Play í samkeppni á öllum leiðum

Líkt og Túristi hafði spáð þá ætlar Play að hefja flug til Alicante, Tenerife, París, Kaupmannahafnar, Berlínar og London. Félagið situr þá ekki eitt að einni einustu flugleið.

ÞOTUR PLAY MUNU LENDA Á KAUPMANNAHAFNARFLUGVELLI ÁÐUR EN LANGT UM LÍÐUR EF FJÁRMÖGNUN FÉLAGSINS KLÁRAST Á NÆSTUNNI.

Á glærurunum sem forsvarsmenn Play kynna þessa dagana fyrir fjárfestum kemur fram að hinar rauðmáluðu þotur félagsins muni fyrst um sinn fljúga til London, Berlínar, Kaupmannahafnar, Parísar, Alicante og Tenerife. Þetta eru þeir sex evrópsku áfangastaðir sem telja mátti líklegt að yrðu fyrir valinu.

Á öllum þessum sex flugleiðum eru önnur flugfélög fyrir. Þannig flýgur Icelandair daglega til þeirra allra þó Spánarflugið teljist vera leiguflug fyrir ferðaskrifstofur. Norwegian er einnig með tíðar ferðir til bæði Alicante og Tenerife.

Til viðbótar verður Play í samkeppni við Wizz air, easyJet og British Airways í flugi milli London og Íslands þó hið nýja íslenska flugfélag verði það eina sem geri út frá Stansted flugvelli. Í París mun Play þá væntanlega deila Charles de Gaulle flugvelli með Icelandair en frá hinum flugvelli borgarinnar, Orly, flýgur lággjaldaflugfélagið Transavia til Íslands.

Farþegar á leið til Kaupmannahafnar geta, með tilkomu Play, valið á milli fjögurra flugfélaga. Icelandair mun svo ekki lengur sitja lengur eitt að Berlín eins og sjá má á töflunni hér fyrir neðan.

Áætlun Play gerir ráð fyrir að félagið hefji flug til fjögurra borga í Norður-Ameríku í byrjun næsta sumars. Í ljósi drægni flugvélanna sem notaðar verða má gera ráð fyrir að þeir fjórir áfangastaðir séu Boston, New York, Toronto og Baltimore. Sú síðast nefnda er skammt frá Washington, höfuðborg Bandaríkjanna.

 

Nú getur þú tekið þátt í að styrkja og efla útgáfu Túrista

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …