Samfélagsmiðlar

Vonast eftir að fljúga fleiri Íslendingum að Miðjarðarhafinu

Tíðar ferðir milli Íslands og Prag næsta sumar auka valkosti þeirra sem eru að leið í sólina í suðurhluta Evrópu.

Til Dubrovnik í Króatíu má komast með millilendingu í Prag fyrir um 58 þúsund krónur. Ferðalagið tekur um hálfan sólarhring.

Frá Václav Havel flugvelli í Prag fljúga þotur systurfélaganna Czech Airlines og Smartwings títt til borga sem liggja við Miðjarðarhafið. Og stjórnendur félaganna gera sér vonir um að næsta sumar verði fleiri Íslendingar um borð í ferðunum suður á bóginn að sögn Vladimira Dufkova, talskonu Smartwings samsteypunnar. Ástæðan er sú næsta sumar mun Czech Airlines bjóða upp á daglegar ferðir milli Íslands og Prag í stað þriggja brottfara í viku.

Þar með aukast möguleikarnir á tengiflugi frá Prag til Ítalíu, Króatíu, Bosníu eða jafnvel Frakklands. Samkvæmt athugun Túrista mega farþegar þó oft gera ráð fyrir langri bið á flugvellinum í Prag því þotan frá Íslandi fer í loftið um miðnætti og lendir hálf sjö að morgni í Tékklandi. Brottfarir til Suður-Evrópu frá Prag virðast flestar vera á dagskrá eftir hádegi. Kosturinn er hins vegar sá að hægt er að kaupa báða leggi á einum flugmiða og farþeginn er því á ábyrgð flugfélagsins ef seinkanir verða.

Talskona Czech Airlines segir annars að fjölgun ferða til Íslands skrifist ekki aðeins á fyrrnefnt tækifæri í fleiri sólþyrstum íslenskum farþegum heldur líka þeirri staðreynd að eftirspurn eftir fluginu milli íslands og Tékklands er mikil.

Til marks um það þá býður tékkneska flugfélagið í vetur upp á daglegar ferðir hingað frá Prag en þó með millilendingu í Kaupmannahöfn. Farþegar geta því valið á milli þess að fljúga aðeins til Danmerkur eða halda áfram til Tékklands líkt og Túristi hefur áður fjallað um.

Nú getur þú tekið þátt í að styrkja og efla útgáfu Túrista

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …