Samfélagsmiðlar

Aldrei fleiri flugferðir á jóladag

Á dagskrá Keflavíkurflugvallar í dag eru níu brottfarir. Svo margar hafa þær ekki verið á þessu minnsta ferðadegi ársins.

kef taska 860

Þotur Wizz Air fljúga héðan fimm ferðir í dag.

Það tíðkaðist lengi að allar hefðbundnar samgöngur, til og frá landinu, lágu niðri á jóladag. Síðustu ár hafa erlendu flugfélögin þó rofið hefðina með stöku ferðum hingað á þessum tiltekna degi.

Á jóladag í fyrra var umferðin til að mynda óvenju fjölbreytt en þá voru í boði fimm ferðir héðan til útlanda. Það met verður rækilega bætt í dag með níu brottförum til jafn margra borga.

Sú fyrsta var reyndar á dagskrá klukkan eitt í nótt þegar flugvél Wizz air flaug héðan til Varsjár. Þetta ungverska flugfélag stendur svo fyrir fjórum fleiri ferðum frá Keflavíkurflugvelli fram til miðnættis í kvöld. Fyrst til pólsku borganna Katowice og Wroclaw og einnig til Riga í Lettlandi. Að lokum kemur ein af þotum Wizz Air hingað frá Luton við Lundúnir og flýgur svo aftur til Bretlands í kvöld. 

Af farmiðaverðinu að dæma er þó nokkuð af lausum sætum í þessar fjórar ferðir því þeir ódýrustu kosta rétt um 10 þúsund krónur. 

Næst umsvifamest í dag er SAS en þotur þess félags fljúga héðan í hádeginu til bæði Óslóar og Kaupmannahafnar. Farið í þessar ferðir er miklu dýrara en í tilfelli Wizz Air.

Til Las Palmas á Kanaríeyjum má svo komast með Norwegian síðar í dag og er ódýrasta sætið á um 54 þúsund krónur. Það er töluverð lækkun frá því fyrir helgi þegar miðinn í þessa jóladagsferð var um þrefalt dýrari.

Í kvöld efnir Transavia svo til kvöldferðar til Amsterdam og núna kostar farið um 10 þúsund krónur.

FINNST ÞÉR EITTHVAÐ SPUNNIÐ Í TÚRISTA?

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …