Appið komið til Íslands

Nú geta Íslendingar líka sótt sér snjallsímaforrit frá Icelandair.

Skjámynd af heimasíðu Icelandair

Öfugt við flest flug­félög þá hefur Icelandair haldið að sér höndum þegar kemur að útgáfu á sérstöku snjallsíma­for­riti. Í sumar hleypti félagið þó af stokk­unum þess háttar í Finn­landi líkt og Túristi greindi frá. Og núna er Icelandair appið komið til Íslands.

Þar með geta íslenskir símnot­endur leitað að farmiðum með flug­fé­laginu í forritinu og svo innritað sig og haldið utan um farseðla þegar komið er að ferð­inni.

Í appinu á einnig að vera hægt að panta sér varning úr Saga bout­ique og veit­ingar fyrir flug­ferðina.