Samfélagsmiðlar

Endurkoma Andra Más í bígerð

Ný ferðaskrifstofa tekur til starfa nú í janúar og forsvarsmaður hennar er Andri Már Ingólfsson. Arion banki reynir nú að koma fyrrum ferðaskrifstofuveldi hans í verð.

Vörumerki hinnar nýju ferðaskrifstofu Andra Más Ingólfssonar.

Andri Már Ingólfsson, stofnandi og fyrrum eigandi, Primera Travel Group vinnur nú að stofnun ferðaskrifstofunnar Aventura. Andri er sjálfur skráður fyrir léninu Aventura.is og í dag birtust svo  starfsauglýsingar frá ferðaskrifstofunni Aventura Holidays á vefnum Alfreð. Þar er auglýst eftir sölufólki til að vinna með „reynsluboltum úr íslenskri ferðaþjónustu“ í að byggja upp leiðandi fyrirtæki sem bjóða á bestu kjör á íslenskum ferðamarkaði eins og segir í auglýsingunni.

Þar kemur jafnframt fram að Aventura Holidays hefji rekstur nú í janúar og að ætlunin sé að „bjóða Íslendingum spennandi ferðaframboð með því að nýta sér nýjustu tækni í þróun bókunarkerfa til að finna hægkvæmustu ferðir fyrir viðskiptavini sína.“

Það er því ekki annað að sjá en að Andri Már sé á leiðinni í ferðageirann á ný en núna eru sex mánuðir liðnir frá því að Arion banki tók yfir ferðskrifstofurnar sjö sem áður tilheyrðu Primera Travel Group. Þá var það yfirlýst markmið bankans að selja þær sem fyrst en í dag eru þær allar óseldar nema ein.

Heimsferðir, sem lögðu grunninn að veldi Andra Más á sínum tíma, eru til að mynda ennþá til sölu og spurning hvort nýjasta útspil stofnanda Heimsferða dragi úr möguleika bankans á að koma fyrirtækinu í verð. Og í ljósi þess að ferðaskrifstofan heitir Aventura Holidays þá er stefnan mögulega sett á rekstur í útlöndum líka. Á Indlandi er reyndar starfandi ferðaskrifstofa með sama nafni.

NÚ GETUR ÞÚ STUTT VIÐ BAKIÐ Á TÚRISTA

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …