Samfélagsmiðlar

Hættir hjá Íslandsstofu

Sem forstöðumaður hjá Íslandsstofu hefur Inga Hlín Pálsdóttir farið fyrir stórum verkefnum í íslenskri ferðaþjónustu síðastliðinn áratug.

Inga Hlín Pálsdóttir.

Inga Hlín Pálsdóttir sem verið hefur forstöðumaður ferðaþjónustu og skapandi greina hjá Íslandsstofu um langt árabil hefur sagt starfi sínu lausu. Þetta kemur fram í færslu frá henni á Facebook fyrr í dag. Þar segir Inga Hlín að hún hafi ákveðið að hætta hjá Íslandsstofu eftir 10 ára starf en áður hafði hún unnið hjá útflutningsráði, forvera Íslandsstofu.

Inga Hlín hefur síðustu ár stýrt samræmdu kynningar- og markaðsstarfi fyrir Ísland, þar á meðal Inspired by Iceland frá upphafi. Hún hefur einnig verið talsmaður ferðaþjónustunnar á erlendum vettvangi og tekið þátt í ýmsum verkefnum er snúa að mörkun þjóða þar á meðal sameiginlegu mörkunarverkefni Norðurlandanna.

Í fyrrnefndri Facebook færslu segir Inga Hlín að það hafi verið heiður að kynna land og þjóð á erlendum vettvangi með frábæru samstarfsfólki og samstarfsaðilum. „Verkefnin hafa verið mörg og skemmtileg, hvort sem er erlendis eða innanlands; í ferðaþjónustu, skapandi greinum og/eða öðrum atvinnugreinum. Inspired by Iceland hefur vaxið og dafnað. Við höfum nýtt tækifærin og byggt upp orðspor Íslands sem áfangastaðar en líka tekist á við nokkur eldgos og mikla umbreytingatíma í íslenskri ferðaþjónustu. Við getum verið stolt af þeim árangri. Ímynd lands og þjóðar verður mér ávallt hugleikin. Ég veit að við verðum öll innblásin af Íslandi „Inspired by Iceland“ til framtíðar. Takk kæru samstarfsfélagar og félagar í ferðaþjónustu og öðrum greinum fyrir gott samstarf! Þið munið svo að samstarf eykur slagkraft,“ segir Inga Hlín að lokum.

Ekki kemur fram hvaða verkefni taka við henni eftir að tímanum hjá Íslandsstofu lýkur formlega.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …