Samfélagsmiðlar

Leigja flugvél til Mósambik

Tvær af Bombardier flugvélum Air Iceland Connect hafa verið til sölu. Sú stærri er farin til Afríku.

Bombardier Q400 flugvél Air Iceland Connect. Nú hefur félagið leigt eina slíka frá sér til næstu fimm ára.

Það styttist í að Bombardier Q400 flugvél Air Iceland Connect verði notuð til að ferja farþega flugfélagsins LAM í Mósambik í Afríku. Þetta 83 ára gamla flugfélag leigði nýverið flugvélina til næstu fimm ára og að sögn Árna Gunnarssonar, framkvæmdastjóra Air Iceland Connect, er um að ræða svokallaða þurrleigu. Það þýðir að flugvélin er leigð án áhafna og sér leigutakinn líka um viðhald.

Air Iceland Connect hefur í nokkurn tíma stefnt að því að koma tveimur af flugvélum sínum í verð. Fyrrnefndri Q400 flugvél sem getur flutt allt að 76 farþega og svo annarri Bombardier Q200 sem er með helmingi færri sæti. Sú minni er ennþá til sölu að sögn Árna.

Auk þess að vera umsvifamesta flugfélagið í innanlandsflugi hér á landi þá er Air Iceland Connect stórtækt í flugi til Grænlands og býður einnig upp á áætlunarferðir til Færeyja. Áður sinnti flugfélagið einnig flugi til Aberdeen í Skotlandi og Belfast á Norður-Írlandi og voru Q400 flugvélar félagsins nýttar í þær ferðir.

Eftir útleiguna til Afríku þá eru fimm flugvélar eftir í flugflota Air Iceland Connect, tvær Q400 og þrjár Q200.

SMELLTU EF ÞÉR FINNST EITTHVAÐ Í TÚRISTA SPUNNIÐ

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …