Samfélagsmiðlar

Hætta Íslandsflugi frá Bergen

Áætlunarflug til Íslands frá næst fjölmennustu borg Noregs er ekki hluti af sumaráætlun Norwegian.

Verk Ragnar Kjartanssonar fer ekki framhjá nokkrum manni sem til Bergen kemur.

Það var vorið 2014 sem Norwegian hóf að fljúga til Íslands frá Bergen en árin á undan hafði Íslandsflug þessa þriðja stærsta lággjaldaflugfélags Evrópu takmarkast við þrjár ferðir í viku frá Ósló. Þaðan fljúga þotur félagsins ennþá en aftur á móti er ekki gert ráð fyrir flugi milli íslands og Bergen í sumaráætlun Norwegian á næsta ári.

„Ég get staðfest að flugi okkar milli Bergen og Keflavíkur verður ekki haldið áfram sumarið 2020. Í takt við þá stefnumörkun okkar að leggja megin áherslu á arðsemi frekar en vöxt þá höfum við rýnt í leiðakerfið og gert á því breytingar. Af þeim sökum var tekin ákvörðum um að leggja niður flugleiðina milli Bergen og Keflavíkur,“ segir Andreas Hjørnholm, talsmaður Norwegian, í svari við fyrirspurn Túrista.

Þar með liggur fyrir að næsta sumar verður Icelandair eitt um flugið til Bergen. Flugáæltun félagsins gerir ráð fyrir daglegum brottförum til þangað yfir aðalferðamannatímann en um vorið og næsta haust verða ferðirnar ekki eins tíðar.

Íslandsflug Norwegian hefur tekið töluverðum breytingum síðustu ár. Nú í vetur heldur félagið uppi áætlunarflugi hingað frá Ósló, Barcelona, Alicante, Tenerife, Las Palmas og Madríd. Síðasta ferðin frá spænsku höfuðborginni er reyndar á dagskrá stuttu eftir áramót. Norwegian hefur líka spreytt sig á flugi hingað frá Stokkhólmi, Róm og London.

Nú getur þú tekið þátt í að styrkja og efla útgáfu Túrista

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …