Samfélagsmiðlar

Play áfram á „pause“ en ekkert stopp

Biðin eftir því að miðasala í flugferðir Play hefjist hefur dregist á langinn. Fjármögnun félagsins er ekki í höfn eins og skilja mátti á blaðamannafundinum í Perlunni í byrjun nóvember.

Allt frá því að hulunni var svipt af nafni Play fyrir nærri fjórum vikum síðan þá hefur verið stefnt á að hefja sölu á flugmiðum fyrir lok nóvember. Það hafðist ekki og í færslu sem birtist á Facebooksíðu félagsins í gær segir að hjá nýju fyrirtæki geti hlutirnir geti tekið lengri tíma en ráð var fyrir gert.

Þeir sem biðu með að bóka farmiða til Alicante, Tenerife, Kaupmannahafnar, London, Berlínar, Parísar eða Berlínar á næsta ári verða því að hinkra eða panta far með hinum flugfélögum sem fljúga til þessara sex áfangastaða sem Play stefnir til.

Núna er vonast til að miðasala hefjist fyrir áramót samkvæmt því sem fram kom í fréttum Rúv í dag. Þar er haft eftir Maríu Margréti Jóhannsdóttur, upplýsingafulltrúa Play, að fjármögnun þess gangi mjög vel þó hún hafi dregist á langinn. María Margrét bætir því við að félagið muni ekki hefja flugáætlun fyrr en fjármögnun upp á 1,7 milljarð króna hafi verið tryggð.

Hin svokallaða grunnfjármögnun Play dugar þá ekki þó skilja hafi mátt orð Arnars Más Magnússonar, forstjóra Play, á blaðamannafundi í Perlunni þann 5. nóvember, þannig sem nægt fé væri í höfn. „Við erum fjármögnuð til lengri tíma. Það var okkur gríðarlega mikilvægt og það fyrsta sem lagt var upp með. Við munum ekki fara af stað nema vera með nægjanlegt fé. Bæði fyrir byrjunina, fyrir stækkuna og til lengri tíma litið. Það hefur okkur tekist,“ sagði Arnar Már þá og vísaði til þess að áttatíu prósent ef fjármagninu kæmi frá breskum sjóði og fimmtungur frá íslandi, þar á meðal Íslenskum verðbréfum.

Engu að síður hafa forsvarsmenn Play nýtt síðustu vikur í að funda með fjárfestum og boðuðu þeir til að mynda forsvarsfólk íslenskra ferðaþjónustufyrirtækja á fund sinn í byrjun síðustu viku.

Burtséð frá fjármögnunni var ljóst að tímaramminn sem forsvarsmenn Play gáfu sér var þröngur enda stefnt að jómfrúarferð nú um áramót. Um það sagði norskur flugsérfræðingur, í viðtali við Túrista, að vænlegra og áhættuminna væri að hefja flugreksturinn í vor. Þá eru fleiri eru á ferðinni og eins gefst þá lengri tími til að selja í fyrstu ferðirnar. Flugfélög eru líka almennt rekin í mínus á fyrsta ársfjórðungi.

Það hlé sem segja má á gert hafi verið á starfsemi Play eftir blaðamannafundinn í Perlunni verður því eitthvað lengra en gera mátti ráð fyrir.

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …