Stundvísara Icelandair

Hinn hraði vöxtur WOW air og aukin umsvif Icelandair reyndu verulega á starfsemi Keflavíkurflugvallar og sérstaklega á árunum 2015 til 2018. Uppbygging flughafnarinnar og fjölgun útistæða hafði þannig sín áhrif og seinkanir í ferðum WOW frá gátu riðlað áætlun Icelandair og öfugt.

Nú hefur umferðin um Keflavíkuflugvöll hins vegar minnkað umtalsvert og þotur Icelandair komust á áfangastað samkvæmt áætlun í níutíu prósent tilvika í nóvember. Hlutfallið var 76 prósent í nóvember í fyrra samkvæmt því sem segir í tilkynningu.

„Stundvísi er einn mikilvægasti þáttur í starfsemi flugfélaga og hefur víðtæk áhrif, ekki síst á upplifun og ánægju farþega. Áhrifin koma jafnframt víða fram í starfseminni, svo sem á ýmsa kostnaðarliði, vinnuálag og þar með starfsánægju. Það þarf margt að ganga upp til að árangur náist en við höfum bætt stundvísi félagsins umtalsvert á undanförnum mánuðum með samstilltu átaki starfsmanna, þrátt fyrir álag og breytingar á leiðakerfinu vegna kyrrsetningar MAX vélanna,“ segir Bogi Nils Bogason, forstjóri Icelandair Group, í tilkynningu.

Um nokkurra ára skeið fylgdist Túristi grannt með stundvísi flugfélaga á Keflavíkurflugvelli og birti svokallaðar stundvísitölur mánaðarlega. Og í nóvember árið 2012, fyrsta starfsár WOW air, þá mældist stundvísi Icelandair einmitt álíka góð og hún var í síðasta mánuði. Úttektir fluggreinandans OAG sýna hins vegar að hún hefur verið nokkur lakari í nóvember síðustu ár.

Og samkvæmt mælingum OAG þá komu vélar Icelandair á áfangastað á réttum tíma í 88 prósent tilkvika í nóvember. Þar með er félagið númer 34 á listanum yfir stundvísustu flugfélög Evrópu, Afríku og Miðausturlanda í nóvember.

Í fyrsta sinn áætlunarflug milli Íslands og Grikklands

Flugfélagið Play fór sitt fyrsta flug til Aþenu, höfuðborgar Grikklands, í morgun. Þar með er í fyrsta skipti hafið beint áætlunarflug á milli Íslands og Aþenu. Til stóð að áætlunin myndi ná frá júní og út október en vegna mikillar eftirspurnar eftir ferðum með Play til Aþenu var ákveðið að framlengja hana til janúar 2024. … Lesa meira

Fleiri en tveir áhugasamir um stóran hlut

Það styttist í hlutafjárútboð SAS en þar er ætlunin að fá fjárfesta til að leggja rúmlega 120 milljarða íslenskra króna í þetta stærsta flugfélag Norðurlanda. Um leið verða núverandi hlutabréf nærri verðlaus og þar með verður bundinn endi á veru sænska ríkisins í hópi stærstu hluthafa. Ríkisstjórn Svíþjóðar ætlar nefnilega ekki að taka þátt í … Lesa meira

Hlutdeild erlendu flugfélaganna dalar áfram

Það voru 18 erlend flugfélög sem héldu úti áætlunarferðum til Keflavíkurflugvallar í maí og tvö íslensk, Icelandair og Play. Þessir tvær hópar skipta markaðnum á milli sín með ójöfnum hætti ef svo má segja og bilið milli þeirra breikkar. Skráðu þig inn til að lesa Þessi grein er aðeins aðgengileg áskrifendum. Smelltu hér til að … Lesa meira

„Túristinn í dag vill upplifa eitthvað“

Grindavík er í senn gamalt útgerðarpláss og vettvangur mikillar nýsköpunar. Suðurstrandarvegur breytti miklu fyrir ferðaþjónustuna og nú velta menn fyrir sér að taka á móti skemmtiferðaskipum til að nýta höfnina betur. „Aðrir innviðir verða líka að þola fleiri heimsóknir," segir Kristín María Birgisdóttir, upplýsinga- og markaðsfulltrúi.

Íslensku félögin bæði mætt til Prag en sjá ekki sömu tækifærin á tékkneska markaðnum

Fyrsta áætlunarflug Icelandair til Prag í Tékklandi var á dagskrá í dag og þar með ríkir samkeppni á ný um farþega á leið milli Íslands og höfuðborgar Tékka. Play sat eitt að þessari flugleið í fyrra en fyrir heimsfaraldur hélt Czech Airlines, þjóðarflugfélag Tékka, úti tíðum ferðum til Keflavíkurflugvallar og spreytti sig líka á áætlunarferðum … Lesa meira

Ástralir vilja komast lengra í beinu flugi

Ástralska flugsamsteypan Qantas hefur pantað fjölda nýrra flugvéla til afhendingar á næsta áratug. Metnaðarfull markmið eru um beint flug frá Ástralíu til London, New York og fleiri fjarlægra staða. Stjórnendur segja viðskiptavini tilbúna að greiða meira fyrir beint flug og sá vilji eigi að tryggja tekjur framtíðarinnar.