Samfélagsmiðlar

Rúmlega fimmtungi færri áætlunarflug í ársbyrjun

Fyrstu þrjá mánuðina í fyrra var WOW air ennþá í loftinu. Við brotthvarf félagsins dró úr umferð um Keflavíkurflugvöll og það stefnir í samdrátt á fyrsta fjórðungi næsta ár. Hann er þó mjög mismunandi eftir löndum og borgum. Ennþá er óljóst með áform Play og hins nýja WOW.

Brottfararfarþegar á Keflavíkurflugvelli.

Í haust hefur samdrátturinn í áætlunarflugi frá Keflavíkurflugvelli numið rúmum fjórðungi en fjöldi erlendra ferðamanna hefur dregist minna saman eða um fimmtung. Þannig hefur takturinn verið síðan WOW air fór í þrot, hlutfallslega fækkar ferðafólki minna en flugferðunum til og frá landinu.

Ef þróunin verður sú sama fyrstu þrjá mánuði næsta árs þá má gera ráð fyrir mismikilli niðursveiflu í fjölda ferðamanna eftir áramót, minnst í febrúar en mest í mars.

Á dagskrá Keflavíkurflugvallar fyrir febrúar er nefnilega gert ráð fyrir 48 brottförum á dag að jafnaði. Meðaltalið var 56 ferðir á sama tíma í ár samkvæmt talningum Túrista. Hlutfallslega nemur samdrátturinn rétt um þrettán af hundraði. Í mars stefnir aftur á móti í um 28 prósent samdrátt í fjölda brottfara og þar með gæti ferðamannahópurinn í þeim mánuði dregist saman um allt að fimmtung miðað við reynslu síðustu mánaða. Janúar liggur svo mitt á milli eða með 22 prósent færri áætlunarferðir.

Páskar á næsta ári eru í seinni hluta apríl en þeir voru um miðjan þann mánuð í fyrra. Ferðagleðin sem fylgir frídögunum í kringum þá hátíð hefur því ekki áhrif á fyrsta fjórðung næsta árs.

Hafa verður í huga að forsvarsfólk bæði Play og WOW air gera ráð fyrir að hefja áætlunarflug í byrjun næsta árs. Gangi það eftir hefur það umtalsverð áhrif. Þó ber að hafa í huga að sala á farmiðum er ekki hafin og nú er mjög stutt í áramót. Þar með má reikna með að þotur félaganna verði frekar þunnskipaðar fari þær í loftið.

Þó áætlunarferðunum frá Keflavíkurflugvelli fækki um fimmtung á fyrsta fjórðungi næsta árs þá kemur samdrátturinn mismunandi fram þegar flugumferðin er greind eftir löndum. Þannig hefur bæst í flugið til Kaupmannahafnar, Helsinki og Póllands. Fækkunin er töluverð í flugi hingað frá Norður-Ameríku eins og sjá má á töflunni hér fyrir neðan sem sýnir breytingar á flugi til þeirra tíu landa sem oftast er flogið til.

Ítarlegri samantekt um breytt flugframboð á fyrsta ársfjórðungi næsta árs, eftir borgum og löndum, verður á morgun send þeim sem styrkja útgáfu Túrista með mánaðarlegum framlögum. Hægt er að bætast í þann hóp hér.

Uppfært: Eftir birtingu greinarinnar kom í ljós að tékkneska flugfélagið Czech Airlines hafði tekið út 80 brottfarir héðan til Kaupmannahafnar í janúar, febrúar og mars. Þar með er samdrátturinn meiri en upphaflega var reiknað með.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …