Samfélagsmiðlar

2,3 milljarðar króna fyrir hverja MAX þotu

Boeing flugvélaframleiðandinn hefur samið um skaðabætur við nokkur flugfélög sem eiga MAX þotur. Bæturnar til Turkish Airlines nema rúmum tveimur milljörðum á hverja vél en félagið hafði fengið afhentar 12 MAX þotur. Tvöfalt fleiri en Icelandair.

MAX þotur merktar Turkish Airlines og Icelandair við verksmiðjur Boeing.

Hvorki stjórnendur Icelandair eða annarra flugfélaga hafa gefið upp hversu háar skaðabætur Boeing hefur greitt þeim vegna kyrrsetningar MAX þotanna sem nú hefur varað í nærri tíu mánuði. Icelandair tilkynnti fyrst um svona samkomulag í september og aftur í tengslum við uppgjör félagsins fyrir þriðja ársfjórðung. Svo mikil leynd ríkir um upphæðirnar sem um ræðir að bæturnar voru meðal annars færðar inn sem farþegatekjur og svo til lækkunar á kostnaði vegna leigu á þeim flugvélum sem Icelandair nýtti voru í sumar til að fylla skarð MAX þotanna.

Southwest flugfélagið upplýsti ekki heldur hversu háar skaðabæturnar voru frá Boeing og það gerðu ekki heldur stjórnendur Turkish Airlines sem nýverið gengu frá samkomulagi við Boeing. Aftur á móti herma heimildir tyrkneska fjölmiðilins Hurriyet, sem Reuters vitnar í, að Boeing hafi greitt tyrkneska flugfélaginu 225 milljónir dollara í bætur. Það jafngildir um 27,6 milljörðum króna. Tveir þriðju hlutar upphæðarinnar munu vera hreinar skaðabætur á meðan þriðjungur er í formi niðurgreiðslu á varahlutum og þjálfun áhafna.

Þetta jafngildir bótum upp á 2,3 milljarða króna á hverja flugvéla en Turkish Airlines hafði fengið afhentar tólf MAX þotur þegar kyrrsetningin var sett á um miðjan mars í fyrra. Icelandair hafði aftur á tekið í notkun helmingi færri flugvélar af þessari gerð. Og ef bótagreiðslur Icelandair hafa verið álíka og hjá tyrkneska flugfélaginu þá hefur Icelandair fengið bætur upp á um 14 milljarða króna frá Boeing í fyrra. Þar af um níu milljarða í fébætur.

Þó ber að hafa í huga að þegar Icelandair tilkynnti um sína samninga við Boeing þá voru bundnar vonir við að vélarnar færu í loftið nú í ársbyrjun. Núna reiknar Icelandair ekki með MAX þotunum í flota sinn fyrr en í maí og þar með er kostnaðurinn vegna kyrrsetningarinnar í dag ennþá hærr en hann var í haust. Fleiri þættir spila svo inní eins og t.d. heildarfjöldi þeirra MAX þota sem viðkomandi flugfélög hafa pantað o.s.frv.

Hversu hratt það mun ganga að koma MAX þotunum í loftið á ný ræðst þó ekki aðeins af betrumbótum á hugbúnaði flugvélanna. Nú munu flugmálayfirvöld vestanhafs, samkvæmt New York Times, einnig vera að kanna hvort rafmagnskaplar þotanna liggi of þétt saman. Mun það mál vera til skoðunar þessa dagana og ef rétt reynist þá gæti það seinkað komu vélanna ennþá frekar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …