Samfélagsmiðlar

Áfram margir á ferðinni milli Íslands og Írlands

Icelandair hefur fjölgað ferðum sínum til Dublin eftir fall WOW. Farþegum hefur því fækkað minna en annars hefði mátt gera ráð fyrir.

Frá Dublin.

Icelandair fór jómfrúarferð sína til Dublin í byrjun maí í hittifyrra en þá hafði WOW air stundað flug þangað að kappi í töluverðan tíma. Flugvöllur borgarinnar kom meira að segja til greina sem önnur heimahöfn WOW air þegar stærð Keflavíkurflugvallar þótti takmarka stækkunaráform eiganda félagsins.

Ekkert varð af þeim áætlunum en íslensku flugfélögin tvö kepptust engu að síður um farþega á leiðinni milli Dublin og Keflavíkurflugvallar allt þangað til að WOW air varð gjaldþrota í lok mars í fyrra.

Eftir brotthvarf helsta keppinautarins bætti Icelandair við ferðum til írsku höfuðborgarinnar og þannig fjölgaði brottförunum þangað í júlí sl. úr 23 í 41 samkvæmt talningu Túrista. Og þá sex mánuði sem liðu frá falli WOW þá flutti Icelandair 74.500 farþega til og frá Dublin. Það eru tíu þúsund fleiri farþegar en WOW flaug með á þessari flugleið á sama tímabili, apríl til september, árið 2017. Hafa ber í huga að farþegar eru taldir bæði þegar þeir fljúga til og frá Dublin.

Aftur á móti nam fjöldinn rúmlega 134 þúsundum þessa sex mánuði árið 2018 þegar bæði félög sinntu flugleiðinni samkvæmt tölum frá írskum flugmálayfirvöldum.

Þess má geta að hér á landi eru sambærilegar farþegatölur eru ekki opinberar og í fyrra komst úrskurðarnefnd um upplýsingamál að þeirri niðurstöðu að Isavia þyrfti ekki að veita þær.

Hér má sjá hvernig farþegafjöldinn á flugleiðinni milli Íslands og Dublin hefur þróast fyrstu níu mánuði hvers árs.


NÚ GETUR ÞÚ STYRKT ÚTGÁFU TÚRISTA

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …