Ekkert flugfélag flytur fleiri farþega milli Íslands og Spánar en Norwegian gerir. Héðan fljúga þotur þessa norska lággjaldaflugfélags nefnilega til Alicante, Barcelona, Las Palmas og Tenerife. Auk býður flýgur upp á reglulegar ferðir milli Keflavíkurflugvallar og Gardermoen við Ósló.

Og hingað til hafa ódýrustu fargjöld Norwegian, svokallaðir LowFare miðar, dugað þeim farþegum félagsins sem aðeins ætla að ferðast með handfarangur. Í dag breytti félagið hins vegar farangursreglunum en þess háttar hafði verið í farvatninum. Með þessum breytingum þurfa farþegar sem ferðast með ódýrustu miðana hjá Norwegian að borga aukalega fyrir allar handtöskur sem ekki komast undir sætin fyrir framan. Gjaldið nemur 7 evrum sem jafngildir 970 krónum.

Þeir voru búnir að bóka farmiða verða ekki fyrir barðinu á nýju gjaldtökunni. Áfram fylgir svo hefðbundinn handfarangur dýrari farmiðunum hjá Norwegian.

Með þessum nýju reglum þá fetar Norwegian í fótspor Wizz Air sem rukkar einnig fyrir handfarangur og það gerði reyndar WOW air líka.