Samfélagsmiðlar

Jafnvel tvö kínversk flugfélög á leiðinni

Juneyao Airlines er ekki eina kínverska flugfélagið sem sett hefur stefnuna á Ísland samkvæmt sendiherra Kína. Hitt félagið kemur frá Wuhan borg sem nú er í heimsfréttunum vegna kórónaveirunnar.

Hefðbundið farrými í breiðþotu Tianjin Airlines.

Í lok mars hefst Íslandsflug kínverska flugfélagsins Juneyao frá Sjanghæ og allt fram í lok október munu Dreamliner þotur félagsins fljúga hingað tvisvar í viku. Vélarnar millilenda reyndar í Helsinki á leiðinni til og frá Keflavíkurflugvelli og því er ekki um beint flug að ræða. Annað kínverskt flugfélag, Tianjin Airlines, fékk afgreiðslutíma á Keflavíkurflugvelli fyrir yfirstandandi vetraráætlun en ekkert varð af þeim áformum.

Stjórnendur Tianjin Airlines hafa þó ekki gefið Íslandsflug upp á bátinn samkvæmt því sem fram kom í erindi sendiherra Kína, Jin Zhiji­an, á fundi um móttöku ferðafólks frá Kína sem haldinn var í Reykjavík í vikunni. Þar ræddi sendiherrann væntanlegt flug Juneyao Airlines til Keflavíkurflugvallar og birti um leið glæru sem á var mynd af flugvélum Juneyao Air og Tianjing Airlines. Texti glærunnar var á þá leið að von væri á flugfélögunum báðum eins og sjá má hér að neðan.

Reyndar minntist sendiherrann ekki á Tianjin flugfélagið heldur lét duga að birta mynd af þotu félagsins. Skýringin á því kann að vera sú að Tianjin Airlines gerir út frá borginni Wuhan en þangað eru upptök kórónaveirunnar rakin. Í borginni ríkir ferðabann sem sett var á í von um að hefta útbreiðslu veirunnar. Í Wuhan búa um 10 milljónir manna.

Heimildir Túrista herma að Tianjin flugfélagið hafi í dag ekki sótt um neina afgreiðslutíma á Keflavíkurflugvelli fyrir komandi sumarvertíð.

Glæra kínverska sendiherrans sem hann birti í kynningu sinni á fundi með íslensku ferðaþjónustufólki í vikunni. 

NÚ GETUR ÞÚ STUTT ÚTGÁFU TÚRISTA

Nýtt efni

„Metnaðurinn hjá hópnum er einstakur og það eru lífsgæði að starfa með jafn öflugu fólki og hér er að finna hjá Play,“ sagði Birgir Jónsson, forstjóri flugfélagsins, í tilkynningu um síðustu mánaðamót. Nú liggur fyrir að Birgir mun kveðja samstarfsfólk sitt um næstu mánaðamót, nokkrum dögum fyrir þriggja ára starfsafmæli sitt hjá Play. Frá þessu …

Nefnd Alþjóðasiglingamálastofnunarinnar (IMO) sem fjallar um verndun sjávar hóf vikulanga fundalotu í London í morgun þar sem m.a. verður rætt um aðgerðir til að draga úr losun CO2 frá kaupskipaflota heimsins. Vinnuhópur hefur fjallað um þau mál síðustu daga. IMO er stofnun Sameinuðu þjóðanna sem ber ábyrgð á öryggi og vernd skipa og vörnum gegn …

Í tilkynningu sem ráðuneyti sem fer með ríkiskaup Póllands sendi um helgina kemur fram að LOT standi nú frammi fyrir þeirri ákvörðun að halda sig við flugvélar brasilíska framleiðandans Embraer fyrir skemmri flugleiðir eða velja frekar vélar frá Airbus í Frakklandi. Leitað verður til beggja framleiðenda og þeir beðnir um tilboð í smíði 84 flugvéla …

Loftmengun hefur minnkað í Evrópu á síðustu 20 árum, samkvæmt nýrri spænskri rannsókn. Þrátt fyrir þetta sýnir rannsóknin líka að loftmengun víðast hvar í Evrópu er enn yfir heilsufarsmörkum.  Í rannsókninni, sem birtist í Nature, voru mengunartölur skoðaðar á 1.400 svæðum, innan 35 ríkja, þar sem 543 milljónir manns búa.  Þrátt fyrir að enn sé …

„Á tiltölulega skömmum tíma er orðið til öflugt íslenskt lággjaldaflugfélag með framúrskarandi vöru og þjónustu og bjarta framtíð. Virk samkeppni í flugi sem skilar sér í lægri fargjöldum, fjölbreyttum áfangastöðum og verðmætum erlendum gestum er sérstaklega mikilvæg fyrir eyju eins og okkar. Slík samkeppni varðar hagsmuni allra Íslendinga. Ég geng þess vegna ákaflega stoltur frá …

Hvað varð um Graham Potter? spyrja margir fótboltaunnendur nú þegar liðið er næstum eitt ár síðan þessi listhneigði fótboltaþjálfari stjórnaði fótboltaliði frá hliðarlínunni. Chelsea var síðasti áfangastaður Potters en þaðan var hann rekinn þann 2. apríl árið 2023 eftir aðeins sjö mánuði í starfi. Potter mætti til Chelsea fullur af bjartsýni eftir glæsislegan þjálfaraferil í …

Skýrslan Policy tools for sustainable and healthy eating - Enabling a food transition in the Nordic countries er unnin í kjölfar útgáfu Norrænna næringarráðleggina (Nordic Nutrition Recommendations) árið 2023 sem var afrakstur fimm ára vinnu hundruða sérfræðinga um ráðlagðar matarvenjur og næringu fólks á Norðurlöndunum og í Eystrasaltsríkjunum. Sú útgáfa hlaut mikla athygli enda í …

Bílaleigan Hertz stóð tæpt í lok heimsfaraldursins og þá tók forstjórinn Stephen Scherr þá djörfu ákvörðun að panta 100 þúsund bíla frá Tesla. Með þessu átti Hertz verða leiðandi í útleigu á rafbílum og vöktu viðskiptin mikla athygli. Ekki leið á löngu þar til Tesla hafði lækkað verðið á nýjum bílum umtalsvert og um leið …