Samfélagsmiðlar

Kínverskir ferðamenn verða að halda sig heima

Frá og með deginum í dag búast forsvarsmenn ferðaþjónustunnar í Noregi og Finnlandi við mun færri kínverskum túristum.

Norðurljósin laða að marga ferðamenn yfir vetrarmánuðina. Í febrúar síðustu ár hafa Kínverjar staðið undir um sex prósent af ferðamannastraumnum.

Hátt í eitt þúsund Kínverjar hafa afbókað ferðir sínar til finnska hluta Lapplands í kjölfar þess að kínversk yfirvöld settu bann við hópferðum þegna sinna innanlands og utan. Tilgangur bannsins er að hefta útbreiðslu kórónaveirunnar en upptök hennar eru rakin til borgarinnar Wuhan.

Finnska fréttaveitan Yle hefur það eftir Sanna Kärkkäinen hjá ferðamálaráði Rovaniemi að um sé að ræða fjölda hópa sem flestir hafi seinkað ferðum sínum til Lapplands vegna stöðunnar sem upp er komin.

Í Noregi búast ferðamálayfirvöld einnig við mikilli fækkun kínverskra ferðamanna í kjölfar þess að hópferðir Kínverja út í heim hafa verið stöðvaðar. Í pistli á heimasíðu norskra ferðamálayfirvalda segir að hið skerta ferðafrelsi nái til allra kínverskra ferðamanna sem taki þátt í hópferðum en einnig einstaklinga sem bókað hafi flug og hótel í einum pakka.

Vegna ástandsins munu margar kínverskar ferðaskrifstofur vera í klemmu þar sem þær hafa verið skyldaðar til að endurgreiða viðskiptavinum sínum þær ferðir sem nú þarf að fella niður. Á sama tíma geti kínversku ferðasalarnir ekki sótt endurgreiðslur til ferðaþjónustufyrirtækja erlendis vegna þess hve afbókanirnar eru gerðar með stuttum fyrirvara.

Af þeim sökum munu samtök kínverskra ferðaskrifstofa, CATS, hafa sent út beiðnir til erlendra birgja og óskað eftir rýmri heimildum til að fella niður ferðir án auka kostnaðar samkvæmt því sem fram kemur í pistli á heimasíðu norskra ferðamálayfirvalda. Þar segir jafnframt að í versta falli muni ástandið vara fram á vorið.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …