Samfélagsmiðlar

Komu þotunum hratt en ekki örugglega í loftið

Innanhús samskipti milli sérfræðinga Boeing flugvélaframleiðandans gefa til kynna að þeir hafi ekki veitt eftirlitsstofnunum viðunandi upplýsingar um MAX þoturnar.

MAX þotur við verksmiðjur Boeing.

Það var stjórnendum Boeing greinilega mikið kappsmál að þeir flugmenn, sem reynslu höfðu af eldri gerðum af Boeing 737 þotum, þyrftu ekki að fara í gegnum þjálfun í flughermi áður en þeir settust undir stýri á nýju MAX þotunum. Og til að ná þessu fram virðast háttsettir starfsmenn flugvélaframleiðandans, þar á meðal yfirflugstjórar, ekki hafa komið hreint fram í samskiptum sínum við flugmálayfirvöld og flugfélög hér og þar um heiminn.

Hluti sérfræðinga Boeing dregur líka í efa að þoturnar séu öruggar. Þannig spyr starfsmaður Boeing samstarfsmann sinn hvort hann myndi fara með fjölskyldu sína um borð í MAX flugvél. Sá svaraði því neitandi.

Þetta er meðal þess sem lesa má í afritum af tölvupóstsamskiptum sérfræðinga flugvélaframleiðandans þar sem málefni MAX þotanna eru til umræðu. Þessi gögn voru afhend bandaríska þinginu nýverið og hafa fjölmiðlar víða um heim fjallað um þau síðastliðinn sólarhring.

Stjórnendur Boeing hafa beðist velvirðingar á orðbragðinu sem hluti sérfræðinga flugvélaframleiðandans notaði í samskiptum sínum tengslum við störf sín. Og þarna eru ekki aðeins að finna tölvupóstsendingar þar sem starfsmenn státa sig af því að komast hjá beiðnum um sérstaka þjálfun flugmanna. Einnig leynast dæmi um niðrandi orðalag í garð starfsmanna flugfélaga eins og Malindo Air, dótturfélags Lion Air, en MAX þota á vegum þess síðarnefnda fórst 29. október í hittifyrra með 189 manns innanborðs.

Í mars í fyrra hrapaði svo þota Ethiopian Airlines með 157 manns og í kjölfarið voru þoturnar kyrrsettar. Tíu mánuðum síðar varir flugbannið ennþá en Icelandair er eitt þeirra flugfélaga sem hafði fengið afhentar MAX þotur áður en kyrrsetning gekk í gegn. Hefur Bogi Nils Bogason, forstjóri Icelandair Group, sagt stöðuna vegna ástandsins vera fordæmalausa.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …